ଓଡ଼ିଶା ଫାଷ୍ଟ(ବ୍ୟୁରୋ): ଜଣାଶୁଣା ଟିଭି ଅଭିନେତ୍ରୀ ସୁରେଖା ସିକ୍ରିଙ୍କର ଆଜି ଦେହାନ୍ତ ହୋଇଛି। ସୂଚନା ଅନୁଯାୟୀ, ୭୫ ବର୍ଷ ବୟସରେ ହୃଦ୍ଘାତ ହେତୁ ତାଙ୍କର ଦେହାନ୍ତ ହୋଇଛି। ପ୍ରସିଦ୍ଧ ସିରିଏଲ ବାଳିକା ବଧୁରେ ଦାଦି ସା ଭୂମିକାରେ ଅଭିନୟ କରିଥିବା ସୁରେଖା ଘରେ ଘରେ ପରିଚିତ ଥିଲେ। ତାଙ୍କ ଦେହାନ୍ତ ହେତୁ ସମଗ୍ର ହିନ୍ଦୀ ଟିଭି ଜଗତରେ ଶୋକର ଲହରୀ ଖେଳିଯାଇଛି। ଜାତୀୟ ଫିଲ୍ମ ପୁରସ୍କାର ବିଜେତା ସୁରେଖା ସିକ୍ରି ମୁମ୍ବାଇରେ ଶେଷ ନିଶ୍ୱାସ ତ୍ୟାଗ କରିଛନ୍ତି ।
ସୁରେଖା ସିକ୍ରିଙ୍କ ମୃତ୍ୟୁକୁ ମ୍ୟାନେଜର ନିଶ୍ଚିତ କରିଛନ୍ତି। ମ୍ୟାନେଜର ଗଣମାଧ୍ୟମକୁ କହିଛନ୍ତି ଯେ ସୁରେଖା ଆଉ ନାହାଁନ୍ତି ଏହା ଦୁଃଖର ବିଷୟ। ଆଜି ସକାଳେ ୭୫ ବର୍ଷ ବୟସରେ ତାଙ୍କର ଦେହାନ୍ତ ହୋଇଛି। ଦ୍ୱିତୀୟ ବ୍ରେନ୍ ଷ୍ଟ୍ରୋକ୍ ପରେ ସେ ବହୁତ ଚିନ୍ତାରେ ଥିଲେ । ବ୍ରେନ୍ ଷ୍ଟ୍ରୋକ୍ ପରେ ସୁରେଖାଙ୍କ ଉପରେ ଚିକିତ୍ସାର ଶୀଘ୍ର ପ୍ରଭାବ ପକାଉ ନଥିଲେ। ସେ ଦୀର୍ଘ ସମୟ ଧରି ହସ୍ପିଟାଲରେ ଥିଲେ। ତାଙ୍କର ଫୁସଫୁସରେ ପାଣି ଭରି ଯାଇଥିଲା ଏବଂ ଔଷଧ ତାଙ୍କ ଉପରେ କାମ କରୁନଥିଲା। ବ୍ରେନ୍ ଷ୍ଟ୍ରୋକ୍ ହେତୁ ସୃଷ୍ଟି ହୋଇଥିବା ଜମାଟକୁ ଚିକିତ୍ସା ଦ୍ୱାରା ବାହାର କରାଯାଇଥିଲା।
ସୁରେଖା ସିକ୍ରିଙ୍କୁ ଦୁଇଥର ବ୍ରେନ୍ ଷ୍ଟ୍ରୋକ୍ ହୋଇଥିଲା। ପ୍ରଥମେ ୨୦୧୮ ରେ ଏକ ବ୍ରେନ୍ ଷ୍ଟ୍ରୋକ୍ ହୋଇଥିଲା । ଏହି କାରଣରୁ ସୁରେଖାଙ୍କୁ ପାରାଲିସିସ୍ ହୋଇଥିଲା। ସେ ସୁସ୍ଥ ହୋଇଗଲେ କିନ୍ତୁ ଟିଭିରେ ଅଧିକ କାମ କରିପାରିଲେ ନାହିଁ । ଏହି କାରଣରୁ ତାଙ୍କର ଆର୍ଥିକ ଅବସ୍ଥା ବିଗିଡି ଯାଇଥିଲା। ସୂଚନା ଅନୁଯାୟୀ, ସୁରେଖା ସିକ୍ରିଙ୍କ ଏକ ମାସର ଔଷଧ ଖର୍ଚ୍ଚ ୨ ଲକ୍ଷରୁ ଅଧିକ ଥିଲା। ଏଥି ସହିତ, କରୋନା ଭାଇରସ୍ ହେତୁ ୬୫ ବର୍ଷରୁ ଅଧିକ କଳାକାରଙ୍କୁ କାମ କରିବାକୁ ବାରଣ କରାଯାଇଥିଲା। ତାଙ୍କର ଆର୍ଥିକ ଅବସ୍ଥା ଆହୁରି ବିଗିଡି ଯାଇଥିଲା।
