ଅରୁଣାଚଳ ପ୍ରଦେଶ ଇଟାନଗରର ଉପେର ସିଆଙ୍ଗ ଜିଲ୍ଲାଠୁ ୨୫ କିଲୋମିଟର ଦୂର ସିଙ୍ଗିଂ ଗାଁ ନିକଟରେ ହୋଇଥିବା ସେନା ହେଲିକପ୍ଟର ଦୁର୍ଘଟଣାଗ୍ରସ୍ତ ଘଟଣାରେ ଦୁଇ ଜଣ ଯବାନଙ୍କ ମୃତଦେହ ଉଦ୍ଧାର କରାଯାଇଛି ।
ଯାନ୍ତ୍ରିକ ତ୍ରୁଟି କମ୍ବା ଖରାପ ପାଗ ଯୋଗୁଁ ଦୁର୍ଘଟଣା ଘଟିଥିବା ଅନୁମାନ କରାଯାଉଛି । ଏହି ହେଲିକପ୍ଟରରେ ୫ ଜଣ ଯବାନ ରହିଥିଲେ । ଶୁକ୍ରବାର ସକାଳ ୧୦.୪୦ ମିନିଟରେ ଏହି ଅତ୍ୟାଧୁନିକ ହେଲିକପ୍ଟର ଦୁର୍ଘଟଣାଗ୍ରସ୍ତ ହୋଇଥିଲା । ଯେଉଁସ୍ଥାନରେ ଦୁର୍ଘଟଣା ଘଟିଛି ସେଠାକୁ ରାସ୍ତାସୁବିଧା ନାହିଁ । ଫଳରେ ଉଦ୍ଧାରକାର୍ଯ୍ୟତ ପ୍ରଭାବିତ ହୋଇଛି । ଘଟଣା ସମ୍ପର୍କରେ ଖବର ପାଇବାମାତ୍ରେ ତୁରନ୍ତ ଏକାଧିକ ଉଦ୍ଧାକାରୀ ଦଳକୁ ଦୁର୍ଘଟଣାସ୍ଥଳକୁ ପଠାଯାଇଥିଲା । ଘଟଣାସ୍ଥଳରେ ୩ ଜଣଙ୍କ ମୃତଦେହ ଚିହ୍ନଟ ହୋଇ ପାରିଛି ଦୁଇ ଜଣଙ୍କ ମୃତଦେହ ଉଦ୍ଧାର ହୋଇଥିବାବେଳେ, ଆଉ ଜଣଙ୍କ ମୃତଦେହ ଉଦ୍ଧାର ପାଇଁ ପ୍ରୟାସ ଜାରି ରହିଛି । ବାକି ଦୁଇଜଣଙ୍କ କୌଣସି ପତ୍ତା ମିଳିପାରିନି ।