ଓଡ଼ିଶା ଫାଷ୍ଟ(ବ୍ୟୁରୋ): ବଜାରରେ ମିଳୁଛି ‘ଆପଣମାନେ ଖୁସି ତ’ ଟି-ଶାର୍ଟ । ଏହି ଟି-ଶାର୍ଟ ର ଡିମାଣ୍ଡ ମଧ୍ୟ କମ ନୁହେଁ । କାହିଁକି ନା
‘ ଆପଣମାନେ ଖୁସି ତ ‘ ଓଡ଼ିଶାର ଏକ ଅତି ପ୍ରିୟ ଓ ଆପଣାର ବାକ୍ୟ । ଯାହାକି ଓଡ଼ିଶାର ଆବାଳ ବୃଦ୍ଧ ବନିତା ସମସ୍ତଙ୍କ ମନକୁ ଜିଣିଛି । ଏହା ଆମ ଲୋକପ୍ରିୟ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକଙ୍କ ବାକ୍ୟ । ଜୟପୁର ସହରରେ ଏପରି ଟି-ଶାର୍ଟ ବିକ୍ରି ହେଉଥିବା ଭିଡ଼ିଓ କିଛିଦିନ ପୂର୍ବେ ସୋସିଆଲ ମିଡିଆରେ ଭାଇରଲ ହୋଇଥିଲା ।
ରାଜ୍ୟବାସୀଙ୍କ ସ୍ନେହ ଶ୍ରଦ୍ଧା ପାଇ ଚଳିତ ନିର୍ବାଚନରେ ମଧ୍ୟ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ଜିତିବା ପରେ ୫ମ ଥର ପାଇଁ ସରକାର ଗଠନ କରିଛନ୍ତି । ଏହି ଖୁସିରେ ନବୀନଙ୍କ ଆନୁଗତ୍ୟ ମାନେ ନବୀନଙ୍କ କହିଥିବା କଥା ‘ଆପଣମାନେ ଖୁସି ତ ‘ ଟି-ଶାର୍ଟ କିଣିବାକୁ ଆଗ୍ରହୀ ଥିବା ପରିଲକ୍ଷିତ ହେଉଛି । କେବଳ ସହର ନୁହେଁ ଗାଁରେ ଥିବା ଦୋକାନରେ ମଧ୍ୟ ଏହି ଟି-ଶାର୍ଟ ବିକ୍ରିହେବା ଆରମ୍ଭ ହେଲାଣି । ଯାହାକୁ ଦେଖିଲେ ମୁଖ୍ୟମନ୍ତ୍ରୀଙ୍କ ଲୋକପ୍ରିୟତା ସ୍ପଷ୍ଟ ବାରିହୋଇ ପଡୁଛି ।