ଓଡ଼ିଶା ଫାଷ୍ଟ(ବ୍ୟୁରୋ): ଓଡ଼ିଆ ପୁଅ ଅଂଶୁମାନ କାମିଲା ୨୦୧୯ ମସିହାର ଇଣ୍ଡିଆନ୍ ଇକୋନୋମିକ୍ ସର୍ଭିସ୍(ଆଇଇଏସ୍) ପରୀକ୍ଷାରେ ପ୍ରଥମ ସ୍ଥାନ ଅଧିକାର କରିଛନ୍ତି । ଏହି ପରୀକ୍ଷାରେ ୩୨ ଜଣ କୃତକାର୍ଯ୍ୟ ହୋଇଛନ୍ତି ।
ସୂଚନା ଅନୁଯାୟୀ, ଅଂଶୁମାନ ଜଣେ ମେଧାବୀ ଛାତ୍ର । ସେ ଭୁବନେଶ୍ୱରର ଚନ୍ଦ୍ରଶେଖରପୁର ଡିଏଭି ପବ୍ଲିକ୍ ସ୍କୁଲରୁ ସିବିଏସସି ଦ୍ୱାଦଶ ପରୀକ୍ଷାରେ ୯୬.୪% ନମ୍ବର ରଖି ଟପ୍ପର ହୋଇଥିଲେ । ପରେ ସେ ଦିଲ୍ଲୀର ଷ୍ଟିଫେନ୍ କଲେଜରୁ ଅର୍ଥନୀତିରେ ସ୍ନାତକ ଓ ଦିଲ୍ଲୀ ସ୍କୁଲ ଅଫ ଇକୋନୋମିକ୍ସରୁ ମାଷ୍ଟର ଡିଗ୍ରୀ ହାସଲ କରିବାପରେ ଜେଏନୟୁରେ ଏମଫିଲ କରିଥିଲେ । ଅଂଶୁମାନ ରିଜର୍ଭ ବ୍ୟାଙ୍କ ଅଫିସର ଭାବେ କାର୍ଯ୍ୟ କରୁଛନ୍ତି । ଅଂଶୁମାନ ପୂର୍ବତନ ପୋଷ୍ଟମାଷ୍ଟର ଜେନେରାଲ ସନ୍ତୋଷ କୁମାର କାମିଲା ଓ ଉତ୍କଳ ବିଶ୍ୱବିଦ୍ୟାଳୟ ଅର୍ଥନୀତି ପ୍ରଫେସର ତଥା କଣ୍ଠଶିଳ୍ପୀ ଡ. ମିତାଲି ଚିନ୍ନରାଙ୍କ ପୁତ୍ର ।
