ଓଡ଼ିଶାର ନାମୀ ଗାୟକ ହ୍ୟୁମାନ ସାଗରଙ୍କ ନାଁରେ ଅଭିଯୋଗ । ତାଙ୍କ ବିରୋଧରେ ଅଭିଯୋଗ କରିଛନ୍ତି ତାଙ୍କରି ପତ୍ନୀ । କଟକରେ ରହୁଥିବା ହ୍ୟୁମାନ ସାଗରଙ୍କ ବିରୋଧରେ ପତ୍ନୀ ନିର୍ଯାତନା ଅଭିଯୋଗ କରି ଗତକାଲି ଡିସିପି ପିନାକ ମିଶ୍ରଙ୍କୁ ଭେଟିଥିବା ସୂଚନା ମିଳିଛି । ଘଟଣାର ତଦନ୍ତ କରିବା ପାଇଁ ଡିସିପି ମହିଳା ଥାନାକୁ ନିର୍ଦ୍ଦେଶ ଦେଇଥିବା ଜଣାପଡ଼ିଛି ।
ଯାହା ସୂଚନା ରହିଛି, ପାରିବାରିକ ଗଣ୍ଡଗୋଳ ଯୋଗୁଁ ପତ୍ନୀ ନିଜ ବାଲେଶ୍ୱର ସ୍ଥିତ ବାପଘରକୁ ଚାଲି ଯାଇଥିଲେ । ତେବେ ଅଭିଯୋଗକୁ ନେଇ ଉଭୟ ହ୍ୟୁମାନ ସାଗର ଏବଂ ତାଙ୍କ ପତ୍ନୀଙ୍କର କୌଣସି ପ୍ରତିକ୍ରିୟା ମିଳିପାରିନାହିଁ ।