ଓଡ଼ିଶା ଫାଷ୍ଟ(ବ୍ୟୁରୋ): ପରଲୋକରେ ବରିଷ୍ଠ ଅଭିନେତା ଦିଲ୍ଲୀପ କୁମାର । ଦୀର୍ଘଦିନ ହେବ ମୁମ୍ବାଇର ହିନ୍ଦୁଜା ହସ୍ପିଟାଲରେ ଚିକିତ୍ସିତ ହେଉଥିଲେ। ବୁଧବାର ସକାଳେ ତାଙ୍କର ଦେହାନ୍ତ ହୋଇଯାଇଛି । ମୃତ୍ୟୁ ବେଳକୁ ତାଙ୍କୁ ୯୮ବର୍ଷ ହୋଇଥିଲା । ଦିଲ୍ଲୀପ କୁମାରଙ୍କ ମୃତ୍ୟୁ ଖବର ଶୁଣି ଚାରିଆଡ଼େ ଶୋକର ଛାୟା ଖେଳିଯାଇଛି। ଜୁନ୍ ମାସ ୩୦ ତାରିଖରେ ସେ ହସ୍ପିଟାଲରେ ଭର୍ତ୍ତି ହୋଇଥିଲେ । ୧୯୨୨ ମସିହା ଡିସେମ୍ବର ୧୧ ତାରିଖରେ ସେ ପରାଧୀନ ଭାରତର ପେଶାୱାରରେ ଜନ୍ମଗ୍ରହଣ କରିଥିଲେ । ବିଗତ ୫ ଦଶନ୍ଧି ଧରି ସେ ଦର୍ଶକଙ୍କ ହୃଦୟର ରାଜ କରିବା ସହ ପ୍ରାୟ ୬୫ଟି ଫିଲ୍ମରେ ଅଭିନୟ କରିଥିଲେ ।
୧୯୪୪ ମସିହାପରେ ଜଓ୍ୱାର ଭଟ୍ଟ ଜରିଆରେ ବଲିଉଡ଼ରେ ପାଦ ରଖିଥିଲେ ମହମ୍ମଦ ୟୁସୁଫ ଖାନ୍ ଓରଫ ଦିଲ୍ଲୀପ କୁମାର । ଏହାପରେ ଆଉ ଫଛକୁ ଫେରିନଥିଲେ ।