ବଲିଉଡର ବରିଷ୍ଠ ଅଭିନେତା ଦଲ୍ଲୀପ ତାହିଲଙ୍କୁ ନେଇ ଏକ ବଡ ଖବର ସାମ୍ନାକୁ ଆସିଛି । କୋର୍ଟ ଦଲ୍ଲୀପଙ୍କୁ ୨ମାସ ପାଇଁ ଜେଲ ଦଣ୍ଡରେ ଦଣ୍ଡିତ କରିଛି । ୫ବର୍ଷ ପୂର୍ବେ ମଦ୍ୟପାନ କରି ଗାଡି ଚଳାଉଥିବା ମାମଲାରେ ତାଙ୍କୁ ଜେଲ ଦଣ୍ଡ ହୋଇଛି । ଏହି ମାମଲା ୨୦୧୮ ମସିହାର ଥିଲା ।
ଦଲ୍ଲୀପଙ୍କ ଉପରେ ଅଭିଯୋଗ ରହିଛି କି ୨୦୧୮ ମସିହାରେ ସେ ମଦ୍ୟପାନ କରି ନିଶାରେ ମୁମ୍ବାଇର ପାଶ ଖାର ଅଞ୍ଚଳରେ ଏକ ଅଟୋକୁ ଧକ୍କା ଦେଇଥିଲେ । ଏହି ଦୁର୍ଘଟଣାରେ ଜଣେ ମହିଳା ଗମ୍ଭୀର ଆହତ ହୋଇଥିଲେ । ଗଣମାଧ୍ୟମର ରିପୋର୍ଟ ମୁତାବକ ଅଦାଲତ ଏହି ପ୍ରମାଣକୁ ଆଧାର କରି ତହିଲଙ୍କୁ ଦଣ୍ଡିତ କରିଛନ୍ତି ।
ଅଭିନେତାଙ୍କ ମୁହଁର ମଦ ଗନ୍ଧ ଓ ଅଭିନେତାଙ୍କ ଚାଲିଚଳନକୁ ଆଧାର କରି କୋର୍ଟ ଦଣ୍ଡିତ କରିଛନ୍ତି । ଏହି ମାମଲାରେ ଦଲ୍ଲୀପଙ୍କୁ ତୁରନ୍ତ ପୋଲିସ ଗିରଫ କରିଥିଲା । ହେଲେ ଦଲ୍ଲୀପ ଜାମିନରେ ଜେଲରୁ ବାହାରି ଆସିଥିଲେ । ଗତ ୫ ବର୍ଷ ଧରି ଏହି ମାମଲା ଚାଲିଥିଲା । ଏହି ମାମଲାରେ ଏବେ କୋର୍ଟ ରାୟ ଶୁଣାଣି କ୍ରମରେ ଦଲ୍ଲୀପଙ୍କୁ ଦୋଷୀ ସାବ୍ୟସ୍ତ କରି ୨ମାସ ଜେଲ ଦଣ୍ଡରେ ଦଣ୍ଡିତ କରିଛନ୍ତି ।