ସ୍କୁଲ ମଧ୍ୟରେ ଚାଲିଥିଲା ଜୁଆ ଆଡ୍ଡା । ଚଢାଉ କରି ଧରିଲା ପୋଲିସ । ଖୋର୍ଦ୍ଧା ଜିଲ୍ଲା ଟାଙ୍ଗୀ ଥାନା ଅନ୍ତର୍ଗତ ସାନ-କୁସୁମୀ ଗାଁର ମଧ୍ୟ ଇଂରାଜୀ ବିଦ୍ୟାଳୟରେ ବିଳମ୍ବିତ ରାତିରେ ଚାଲିଥିଲା ଏହି ଜୁଆ ଆଡ୍ଡା । ଘଟଣାସ୍ଥଳରୁ ପୋଲିସ ୬ଜଣ ଜୁଆଡିକୁ ଗିରଫ କରିଛି । ୭ଟି ମୋବାଇଲ ଫୋନ୍ ସହିତ ୪ଟି ମୋଟର ସାଇକେଲ ଏବଂ ନଗଦ ୮ ହଜାର ୫୪୦ ଟଙ୍କା ଜବତ କରିଛି ।
ବିଶେଷ ସୂତ୍ରରୁ ଖବର ପାଇ ଟାଙ୍ଗୀ ଥାନା ନିରୀକ୍ଷକ ବିଜୟ କୁମାର ମଲ୍ଲିକଙ୍କ ନେତୃତ୍ବରେ ଗଠିତ ଟିମ୍ ଅତର୍କିତ ଭାବେ ଚଢ଼ାଉ କରି ଏଭଳି ଧରପଗଡ କରିଛନ୍ତି ।