ରାଜନୀତି ସଭାରେ ଯୋଗ ଦେଇ ନିଲମ୍ବିତ ହେଲେ ଶିକ୍ଷକ। ପୁଣି ଜଣେ ଶିକ୍ଷକଙ୍କୁ ନିର୍ବାଚନ ଅଧିକାରୀଙ୍କ ଛାଟ।
କଣ୍ଟାମାଳ ବ୍ଲକ ଅନ୍ତର୍ଗତ ବଉଳସିଙ୍ଗା ସରକାରୀ ଅପର ପ୍ରାଇମେରି ସ୍କୁଲର ସହକାରୀ ଶିକ୍ଷକ ରୋହିତେଶ୍ୱର ମଲ୍ଲିକ । ଯିଏକି ନିର୍ବାଚନ ଆଚରଣ ବିଧି ଲାଗିଥିବା ସମୟରେ ଏକ ରାଜନୈତିକ ଦଳର ଦଳୀୟ ସଭାରେ ଯୋଗ ଦେଇଥିଲେ। ତେଣୁ ଗୁରୁବାର ତାଙ୍କୁ ନିଲମ୍ବନ କରିଛନ୍ତି ଜିଲ୍ଲା ନିର୍ବାଚନ ଅଧିକାରୀ ତଥା ବୌଦ୍ଧ ଜିଲ୍ଲାପାଳ।
ତେବେ ଆପଣଙ୍କୁ ଜଣାଇବାକୁ ଚାହିଁବୁ ଯେ ଏହାପୂର୍ବରୁ ଜଣେ ଶିକ୍ଷକଙ୍କୁ ବଦଳି କରାଯାଇଥିବାବେଳେ ଜଣଙ୍କୁ କରାଯାଇଥିଲା ନିଲମ୍ବନ । ଆଉ ଆଜି ପୁଣି ଜଣେ ଜଣେ ଶିକ୍ଷକ ହୋଇଛନ୍ତି ନିଲମ୍ବନ । ଶିକ୍ଷକ ଜଣକ ନିର୍ବାଚନ ସଭାରେ ଯୋଗ ଦେଇଥିବା ନେଇ ନିର୍ବାଚନ ଅଧିକାରୀଙ୍କ ନିକଟରେ ଅଭିଯୋଗ ହୋଇଥିଲା । ପରେ ନିର୍ବାଚନ ଅଧିକାରୀ ଶିକ୍ଷକ ଜଣଙ୍କୁ ନିଲମ୍ବନ କରିଛନ୍ତି । ଏପର୍ଯ୍ୟନ୍ତ ମୋଟ ୨ଜଣ ଶିକ୍ଷକ ନିଲମ୍ବନ ଓ ଜଣଙ୍କୁ ବଦଳି କରିଛନ୍ତି ନିର୍ବାଚନ ଅଧିକାରୀ । ତେବେ ଏହାକୁ ନେଇ ଶିକ୍ଷକଙ୍କର କୌଣସି ପ୍ରତିକ୍ରୀୟା ମିଳିନାହିଁ
।