ଓଡ଼ିଶା ଫାଷ୍ଟ(ବ୍ୟୁରୋ): ନୃତ୍ୟ କରୁ କରୁ ଟଳି ପଡିଲେ ଯୁବକ । ଛୁଟି ମନାଇବାକୁ ଆସିଥିଲେ ଘଟିଗଲା ଅଘଟଣ । ଗୁଜୁରାଟରୁ ରାଜସ୍ତାନର ମାଉଣ୍ଟ୍ ଆବୁ ବୁଲିବାକୁ ଆସିଥିଲେ ଜଗଦୀସ ଗରବା କରୁଥିବା ବେଳେ ଚାଲିଗଲା ଜୀବନ ।
ସୂଚନା ଅନୁଯାୟୀ, ଗୁଜୁରାଟର ଜଗଦୀସ ନିଜ ୬ଜଣ ସାଙ୍ଗଙ୍କ ପରିବାର ସହ ଦୁଇଦିନିଆ ଛୁଟି ମନାଇବାକୁ ରାଜସ୍ତାନର ମାଉଣ୍ଟ୍ ଆବୁ ଆସିଥିଲେ । ସେମାନେ ବୁଲାବୁଲି କରିବା ପରେ ହୋଟେଲ ଖାଇବାକୁ ଆସିଥିଲେ । ନବରାତ୍ର ଉପଲକ୍ଷେ ହୋଟେଲରେ ଗରବା ନୃତ୍ୟର ଆୟୋଜନ ହୋଇଥିଲା । ଏହାକୁ ଦେଖି ସମସ୍ତେ ସ୍ଥିର କଲେ ପ୍ରଥମେ ନୃତ୍ୟ କରିବେ ଓ ପରେ ଖାଇବେ । ଜଗଦୀସ ଓ ତାଙ୍କ ସାଙ୍ଗମାନେ ନୃତ୍ୟ କରିବା ବେଳେ ସେ ତଳେ ପଡିଯାଇଥିଲେ । ତାଙ୍କ ପାଟିରୁ ରକ୍ତ ବାହାରି ଥିଲା । ଜଗଦୀସଙ୍କ ସାଙ୍ଗମାନେ ତାଙ୍କୁ ତୁରନ୍ତ ହସ୍ପିଟାଲକୁ ନେଇଥିଲେ ମଧ୍ୟ ଡାକ୍ତର ତାଙ୍କୁ ମୃତ ଘୋଷଣା କରିଥିଲେ ।
