ଓଡ଼ିଶା ଫାଷ୍ଟ(ବ୍ୟୁରୋ): ପ୍ରଥମ ପର୍ଯ୍ୟାୟ ସାଧାରଣ ନିର୍ବାଚନ ପାଇଁ ଆଜି ପ୍ରାର୍ଥୀପତ୍ର ଦାଖଲ ପ୍ରକ୍ରିୟା ଶେଷ ହୋଇଛି । ଆସନ୍ତାକାଲିଠାରୁ ପ୍ରଚାର ଆରମ୍ଭ ହେବ । ଏ ନେଇ ବିଭିନ୍ନ ଦଳ ଓ ପ୍ରାର୍ଥୀମାନେ ପ୍ରଚାର ମୈଦାନକୁ ଓହ୍ଲାଇବେ । ପୂର୍ବରୁ ବିଜେଡି ଓ ବିଜେପି ପ୍ରଚାର ପାଇଁ ଷ୍ଟାର ପ୍ରଚାରକଙ୍କ ନାମ ଘୋଷଣା କରି ସାରିଥିବା ବେଳେ ଆଜି କଂଗ୍ରେସ ତାର ଷ୍ଟାର ପ୍ରଚାରକଙ୍କ ତାଲିକା ପ୍ରକାଶ କରିଛି । ଏହି ତାଲିକାରେ ୪୦ଜଣଙ୍କ ନାମ ରହିଛି । ଏଆଇସିସି ଅଧ୍ୟକ୍ଷ ରାହୁଲ ଗାନ୍ଧୀ, କଂଗ୍ରେସ ଜେନେରାଲ ସେକ୍ରେଟେରୀ ପ୍ରିୟଙ୍କା ଗାନ୍ଧୀ, ନବଜୋତ ସିଂହ ସିଦ୍ଧୁ, ପୂର୍ବତନ ପ୍ରଧାନମନ୍ତ୍ରୀ ମନମୋହନ ସିଂହ, ପିସି ସଭାପତି ନିରଞ୍ଜନ ପଟ୍ଟନାୟକ, ନରସିଂହ ମିଶ୍ର, ଚିରଞ୍ଜିବୀ ବିଶ୍ୱାଳ, ପ୍ରଦୀପ ମାଝୀ, ଭକ୍ତ ଦାସ, ସଚିନ ପାଇଲଟ୍ ପ୍ରମୁଖଙ୍କ ନାମ ଏହି ତାଲିକାରେ ରହିଛି । ଏହି ତାଲିକାରେ କେତେଜଣ ବଲିଉଡ ଅଭିନେତ୍ରୀ ମଧ୍ୟ ସାମିଲ ହୋଇଛନ୍ତି ।
