ଏହିସବୁ ସଙ୍କେତରୁ ଜଣାପଡେ ପିଲା ଖରାପ ରାସ୍ତାକୁ ଯାଉଛି, ନିହାତି ଏହି କଥା ଉପରେ ଧ୍ୟାନ ଦିଅନ୍ତୁ ପିତାମାତା
ଆପଣମାନେ ଜାଣିପାରୁଥିବେ ବର୍ତ୍ତମାନ ସମୟରେ ସମାଜରେ ଅନେକ ପ୍ରକାରର ପରିବର୍ତ୍ତନ ହେଉଛି । ଏହି ପରିବର୍ତ୍ତନ ଆମ ସମାଜ ପାଇଁ ଭଲ ହୋଇଥାଏ । ହେଲେ ବେଳେବେଳେ ଏହି ପରିବର୍ତ୍ତନ ଆମ ସମସ୍ତଙ୍କ ପାଇଁ ଖରାପ ମଧ୍ୟ ହୋଇପାରେ । ଯାହାର ପ୍ରଭାବ ପ୍ରାୟତଃ ଆମ ପିଲାମାନଙ୍କ ଉପରେ ପଡିଥାଏ । କାରଣ ପିଲାମାନେ ସବୁବେଳେ ନିଜ ଆଖପାଖରେ ହେଉଥିବା କାର୍ଯ୍ୟକଳାପରୁ ହିଁ ସବୁକିଛି ଶିକ୍ଷିଥାନ୍ତି । ଯଦି ସଙ୍ଗତ ଭଲ ହୋଇଥାଏ ତାହେଲେ ପିଲାମାନେ ଭଲ କଥା ଶିଖିଥାନ୍ତି । ଆଉ ଯଦି ଖରାପ ସଙ୍ଗତ ହୋଇଥାଏ ତାହେଲେ ପିଲାମାନଙ୍କ ଉପରେ ଏହାର ଖରାପ ପ୍ରଭାବ ପଡିଥାଏ । ତେବେ ଆପଣମାନେ ତ ଜାଣିଥିବେ ପିଲାମାନଙ୍କ ଉନ୍ନତି ହେବାରେ କିମ୍ବା ଖରାପ ହେବାରେ ଅଧିକ ସମୟ ଲାଗେ ନାହିଁ । ଯଦି ଆପଣଙ୍କ ପିଲାଙ୍କ ମଧ୍ୟରେ ଏଭଳି ପ୍ରଭାବ ଦେଖିବା ପାଇଁ ମିଳୁଛି, ତାହେଲେ ଆପଣମାନେ ବୁଝିଯାଆନ୍ତୁ କି ଆପଣଙ୍କ ପିଲା ଖରାପ ସଙ୍ଗତରେ ପଡିଛି କିମ୍ବା ଖରାପ ହେଇଯାଇଛି । ସେଥିପାଇଁ ଆପଣମାନେ ଠିକ୍ ସମୟରେ ନିଜ ପିଲାଙ୍କୁ ସୁଧାରି ଦିଅନ୍ତୁ, ନଚେତ ଭବିଷ୍ୟତରେ ଆପଣଙ୍କ ପିଲା ଅସୁବିଧାର ସାମ୍ନା କରିପାରନ୍ତି ।
ପିଲାଙ୍କ ଖରାପ ହେବାର ସଙ୍କେତ :
ଜିଦି :
ପିଲାର ଖରାପ ହେବାର ପ୍ରଥମ ସଂଙ୍କେତ ହେଉଛି ପିଲାଟି କୌଣସି ଜିନିଷକୁ ନେଇ ଅଧିକ ଜିଦି କରିବା । ଯଦି ଆପଣଙ୍କ ପିଲା ଛୋଟ ଛୋଟ କଥାରେ ଜିଦି କରୁଛି, ତାହେଲେ ବୁଝିଯାଆନ୍ତୁ ଆପଣଙ୍କ ପିଲା ଖରାପ ହୋଇଯାଇଛି । ଏହାସହ ସେ ତା ଆଖପାଖରୁ କିଛି ଭୁଲ କଥା ଶିଖୁଛି ।
କଳି କରିବା :
ଯଦି ଆପଣ ପିଲା ବହୁତ କଳି କରୁଛି, ତାହେଲେ ଜାଣି ନିଅନ୍ତୁ ଆପଣଙ୍କ ପିଲା ଖରାପ ହେବାକୁ ଯାଉଛି । ସେଥିପାଇଁ ଠିକ୍ ସମୟ ମଧ୍ୟରେ ନିଜ ପିଲାର କଳି କରିବା ଅଭ୍ୟସକୁ ସୁଧରିବା ପାଇଁ ଚେଷ୍ଟା କରନ୍ତୁ ।
ଅନ୍ୟ ପିଲାକୁ ଚିଡ଼ାଇବା :
ଆପଣଙ୍କ ପିଲା ଯଦି ଅନ୍ୟ ପିଲାମାନଙ୍କୁ ଚିଡ଼ାଇବାକୁ ଲାଗୁଛି, ତାହେଲେ ବୁଝି ନିଅନ୍ତୁ ପିଲାଟି ଏହି ଖରାପ କଥା ଅନ୍ୟ କାହାଠାରୁ ଶିଖୁଛି । ସେଥିପାଇଁ ଉଚିତ ସମୟରେ ଆପଣଙ୍କ ପିଲାକୁ ସୁଧାରନ୍ତୁ ଓ ଏହି ଖରାପ ଅଭ୍ୟାସ ଠିକ୍ କରିବା ପାଇଁ ଚେଷ୍ଟା କରନ୍ତୁ ।
ଖରାପ ଭାଷା କହିବା :
ପିଲାଙ୍କ ଖରାପ ହେବାର ପ୍ରଥମ ସଙ୍କେତ ହେଉଛି, ପିଲାଟି ଖରାପ ଭାଷାରେ କଥାବାର୍ତ୍ତା କରିବାକୁ ଆରମ୍ଭ କରିବା । ଯଦି ଆପଣଙ୍କ ପିଲା କଥାବାର୍ତ୍ତା କରିବା ସମୟରେ ଖରାପ ଭାଷାର ବ୍ୟବହାର କରୁଛି, ତାହେଲେ ଜାଣି ନିଅନ୍ତୁ ପିଲାଟି ଖରାପ ସଙ୍ଗତରେ ପଡିଯାଇଛି ।
ଚୋରି କରିବା ଅଭ୍ୟାସ :
ଯଦି ଆପଣଙ୍କ ପିଲା ଛୋଟ ହୋଇଥିଲେ ମଧ୍ୟ ଚୋରି କରୁଛି, ତାହେଲେ ବୁଝିନିଅନ୍ତୁ କି ଆପଣଙ୍କ ପିଲା ଭୁଲ ରାସ୍ତାରେ ଯାଉଛି । ସେଥିପାଇଁ ତାକୁ ଠିକ୍ ରାସ୍ତାକୁ ଆଣିବା ପାଇଁ ଚେଷ୍ଟା କରନ୍ତୁ । ତେବେ ଏହି ସବୁ କଥାକୁ ଧ୍ୟାନ ଦିଅନ୍ତୁ, ଯେପରି ଆପଣଙ୍କ ପିଲା ମଧ୍ୟ ଭୁଲ ରାସ୍ତାକୁ ନଯିବ ଓ ଭବିଷ୍ୟତରେ ଭଲ ମଣିଷ ହେବ ।