ଶପଥ ନେଲେ ନବ ନିଯୁକ୍ତ ରାଜ୍ୟପାଳ ରଘୁବର ଦାସ । ରାଜଭବନରେ ରଘୁବର ଦାସଙ୍କୁ ଶପଥ କରାଇଲେ ହାଇକୋର୍ଟ ମୁଖ୍ୟ ବିଚାରପତି । ଶପଥ ଗ୍ରହଣ ପରେ ନୂଆ ରାଜ୍ୟପାଳଙ୍କୁ ଗାର୍ଡ ଅଫ୍ ଅନର୍ ପ୍ରଦାନ କରାଯାଇଛି । ଶପଥ ପୂର୍ବରୁ ସକାଳେ ରାଜ୍ୟପାଳ ମହାପ୍ରଭୁ ଲିଙ୍ଗରାଜଙ୍କ ଦର୍ଶନ କରିଛନ୍ତି । ଏ ଅବସରରେ ରାଜ୍ୟପାଳ କହିଛନ୍ତି, ଓଡ଼ିଶା ରାଜ୍ୟ ଏବଂ ଦେଶ ବିକାଶର ନୂଆ ଶିଖରରେ ପହଞ୍ଚୁ ବୋଲି ଲିଙ୍ଗରାଜଙ୍କ ପାଖରେ କାମନା କରିଛି ।
ବଡୁ ନିଯୋଗ ପକ୍ଷରୁ ରାଜ୍ୟପାଳଙ୍କ ପୂଜାର୍ଚ୍ଚନା ସହ ବେଢା ପରିକ୍ରମା କରାଯାଇଥିଲା । ଲିଙ୍ଗରାଜଙ୍କ ସମେତ ଗଣେଶ, ପାର୍ବତୀ, ଭୁବନେଶ୍ୱରୀଙ୍କ ଦର୍ଶନ ଓ ବୃଷଭଙ୍କ କାନରେ ମନସ୍କାମନା କହିଥିଲେ ରାଜ୍ୟପାଳ । ଏ ଅବସରେ ରାଜ୍ୟପାଳଙ୍କ ପରିବାର ଓ ବନ୍ଧୁବାନ୍ଧବ ଉପସ୍ଥିତ ଥିଲେ । ସେହିପରି ରାଜ୍ୟ ବିଜେପିର ତମାମ ନେତୃବୃନ୍ଦ ଉପସ୍ଥିତ ରହିଥିଲେ ।