ଓଡ଼ିଶା ଫାଷ୍ଟ(ବ୍ୟୁରୋ): ସାଧାରଣ ନିର୍ବାଚନ ପାଇଁ ଇତିମଧ୍ୟରେ ବିଜେଡି ଓ କଂଗ୍ରେସ ପ୍ରାର୍ଥୀ ଘୋଷଣା କରିଛନ୍ତି । କିନ୍ତୁ ଅଦ୍ୟାବଧି ବିଜେପି ପକ୍ଷରୁ ପ୍ରାର୍ଥୀ ଘୋଷଣା କରାଯାଇ ନ ଥିବାରୁ ଭାରତୀୟ ଜନତା ପାର୍ଟିକୁ କଡା ଭାଷାରେ ସମାଲୋଚନା କରିଛି ବିଜେଡି । ପ୍ରାର୍ଥୀ ମିଳୁ ନ ଥିବାରୁ ଅନ୍ୟ ଦଳରୁ ବାହାରି ଯାଉଥିବା ପ୍ରାର୍ଥୀକୁ ନିଜ ଦଳକୁ ଆଣିବା ଉଦ୍ଦେଶ୍ୟରେ ବିଜେପି ପ୍ରାର୍ଥୀ ତାଲିକା ଚୂଡାନ୍ତ କରିପାରୁନାହିଁ । ବିଜେଡି ଓ କଂଗ୍ରେସ ପ୍ରାର୍ଥୀ ତାଲିକା ଘୋଷଣା କରିସାରିଥିବା ବେଳେ ବିଜେପି କାହିଁକି ପ୍ରାର୍ଥୀ ତାଲିକା ଘୋଷଣା କରୁନାହିଁ ବୋଲି ଖବରଦାତା ସମ୍ମିଳନୀରେ ପ୍ରଶ୍ନ କରିଛନ୍ତି ବିଜେଡି ମୁଖପାତ୍ର ସସ୍ମିତ ପାତ୍ର ।
ସେ କହିଛନ୍ତି ଯେ, ବିଜେପି ୧୨୦+ ର କଥା କହୁଥିବା ବେଳେ ଦଳରେ ୧୨୦ଟି ପ୍ରାର୍ଥୀ ନାହାଁନ୍ତି । ସେଥିପାଇଁ ଅନ୍ୟ ଦଳରୁ ଯାଉଥିବା ପ୍ରାର୍ଥୀଙ୍କ ଅପେକ୍ଷାରେ ଦଳ ରହିଛି ବୋଲି କଟାକ୍ଷ କରିଛନ୍ତି ସସ୍ମିତ । ସୂଚନାଯୋଗ୍ୟ, ଆଜି ସନ୍ଧ୍ୟା ସୁଦ୍ଧା ବିଜେପି ପକ୍ଷରୁ ପ୍ରାର୍ଥୀ ତାଲିକା ପ୍ରକାଶ କରାଯିବ ବୋଲି ଶୁଣାଯାଉଛି।