ଆସନ୍ତା ଅକ୍ଟୋବର ୨ରୁ ଡିସେମ୍ବର ୨୬ ଯାଏଁ ବିଜେଡି ପକ୍ଷରୁ କରାଯିବ ଜନ ସମ୍ପର୍କ ପଦଯାତ୍ରା । ଗାନ୍ଧୀ ଜୟନ୍ତୀରୁ ପ୍ରତିଷ୍ଠା ଦିବସ ଯାଏଁ ପଦଯାତ୍ରା କରିବ ବିଜେଡି । ମୁଖ୍ୟମନ୍ତ୍ରୀଙ୍କ ନିର୍ଦ୍ଦେଶକ୍ରମେ ଦଳୀୟ ନେତା ଓ କର୍ମୀମାନେ ବହୁ କାର୍ଯ୍ୟକ୍ରମ ସାଙ୍ଗକୁ ବିକାଶକୁ ଶୀର୍ଷକୁ ନେବାକୁ ସଂକଳ୍ପ ନେବେ।
ତେବେ ସବୁ ନିର୍ବାଚନ ମଣ୍ଡଳୀରେ ଏହି ପଦଯାତ୍ରା ଅନୁଷ୍ଠିତ ହେବ । ଏହାସହ ବିଭିନ୍ନ ସ୍ଥାନରେ ଜୀବନ ବିନ୍ଦୁ ସାଙ୍ଗକୁ ବୃକ୍ଷରୋପଣ ମଧ୍ୟ କରାଯିବ । ସୋମବାର ଶଙ୍ଖଭବନରେ ଆୟୋଜିତ ପ୍ରେସମିଟରେ ବିଜେଡି ପକ୍ଷରୁ ଏହି ସୂଚନା ଦିଆଯାଇଛି । ଆୟୋଜିତ ଏହି ପ୍ରେସମିଟରେ ବିଜେଡି ଉପସଭାପତି ତଥା ବରିଷ୍ଠ ନେତା ଦେବୀ ମିଶ୍ର, ସ୍ନେହାଙ୍ଗିତୀ ଛୁରିଆ, ସାଂସଦ ସସ୍କିତ ପାତ୍ର ଏବଂ ପ୍ରିୟବ୍ରତ ମାଝୀ ପ୍ରମୁଖ ଗଣମାଧ୍ୟମକୁ କାର୍ଯ୍ୟକ୍ରମ ସମ୍ପର୍କରେ ବିଶେଷ ସୂଚନା ଦେଇଥିଲେ ।