ଓଡ଼ିଶା ଫାଷ୍ଟ(ବ୍ୟୁରୋ): ନିର୍ବାଚନ ମଣ୍ଡଳୀରେ ବିଜେପି ନେତା ଶ୍ରୀଜଗନ୍ନାଥ ପ୍ରଧାନଙ୍କ ନେତୃତ୍ୱରେ ବମିଖାଲ ଗ୍ରାମ ଓ ୟୁନିଟ୍ ୧ ମାର୍କେଟରେ ଜନପରାମର୍ଶ ଯାତ୍ରା ଅନୁଷ୍ଠିତ ହୋଇଯାଇଅଛି । ବିଜେପି ନେତ୍ରୀ ଶ୍ରୀମତୀ ଅପରାଜିତା ଷଡ଼ଙ୍ଗୀଙ୍କ ଉପସ୍ଥିତିରେ ଏହି ପଦଯାତ୍ରା ବମିଖାଲ ସନ୍ତୋଷୀ ମା’ଙ୍କ ମନ୍ଦିରଠାରୁ ଆରମ୍ଭ କରି ବମିଖାଲ ଗ୍ରାମ ଅତିକ୍ରମ କରି କଲରାପଟୁ ବସ୍ତିଠାରେ ଶେଷ ହୋଇଥିଲା । ବିଭିନ୍ନ ମହିଳା ସଂଗଠନ, ଗ୍ରାମର ବରିଷ୍ଠ ନାଗରିକ ସଂଘ ପକ୍ଷରୁ ବିଭିନ୍ନ ସ୍ଥାନରେ ପୁଷ୍ପଗୁଚ୍ଛ ଦେଇ ଅପରାଜିତା ଓ ଜଗନ୍ନାଥଙ୍କୁ ସ୍ୱାଗତ କରାଯାଇଥିଲା । ୧୯ବର୍ଷର ଅପାରଗ ସରକାର ବସ୍ତିବାସିନ୍ଦାଙ୍କୁ ପକାଘର, ସ୍ୱଚ୍ଛ ପାଣି ଓ ମୌଳିକ ସୁବିଧା ଯୋଗାଇଦେବାରେ ସଂପୂର୍ଣ୍ଣ ବିଫଳ ହୋଇଛନ୍ତିି ବୋଲ ଶ୍ରୀ ପ୍ରଧାନ ଉଦବୋଧନ ଦେଇଛନ୍ତି ଓ ସାଧାରଣ ଲୋକ ବମିଖାଲ ବ୍ରିଜକୁ ନେଇ ଲୋକଙ୍କ ପାଖରେ କ୍ଷୋଭ ପ୍ରକାଶ କରିଥିଲେ । ଆଗାମୀ ଦିନରେ ମିଶନ ୧୨୦+ ନିଶ୍ଚୟ ସଫଳ ହେବ ଓ ରାଜ୍ୟରେ ବିଜେପି ସରକାର ଗଢ଼ିବ ବୋଲି ଶ୍ରୀମତୀ ଷଡ଼ଙ୍ଗୀ କହିଥିଲେ । ଏହି ପଦଯାତ୍ରାରେ ମଣ୍ଡଳ ସଭାପତି ସନ୍ତୋଷ କୁମାର ଜେନା, ଭୁବନେଶ୍ୱର ଜିଲ୍ଲା ସାଧାରଣ ସଂପାଦକ ଶ୍ରୀ ବିଭାଷ ସେନଗୁପ୍ତ, ଜିଲ୍ଲା ଓ ମଣ୍ଡଳର ସମସ୍ତ ପଦାଧିକାରୀ ଯୋଗ ଦେଇଥିଲେ ।
