କର୍ଣ୍ଣାଟକ ବିଧାନସଭା ନିର୍ବାଚନର ଆଜି ଆସିବ ଫଳାଫଳ । ଚଳିତ ନିର୍ବାଚନରେ ୭୦ ପ୍ରତିଶତରୁ ଅଧିକ ମତଦାନ ରେକର୍ଡ କରାଯାଇଛି । ଏହା ପରେ ଏକ୍ଜିଟ୍ ପୋଲର ଫଳାଫଳ ମଧ୍ୟ ମତଦାନ ଦିନ ସନ୍ଧ୍ୟାରେ ଆସିଥିଲା । ଅଧିକାଂଶ ଏକ୍ଜିଟ୍ ପୋଲ୍ କର୍ଣ୍ଣାଟକରେ ଝୁଲା ସରକାର ନେଇ ଆକଳନ କରିଥିବା ବେଳେ ବିଜେପି-କଂଗ୍ରେସ ଉଭୟ ନିଜ ନିଜର ସରକାର ଗଢିବା ନେଇ ଦାବି କରୁଛନ୍ତି ।
କିନ୍ତୁ ଏକ୍ଜିଟ୍ ପୋଲରେ ଜେଡିଏସ୍ ପୁଣି ଥରେ କିଙ୍ଗ ମେକର ହେବ ବୋଲି କୁହାଯାଇଛି । ୨୨୪ ସିଟ୍ ବିଶିଷ୍ଟ କର୍ଣ୍ଣାଟକ ବିଧାନସଭା ପାଇଁ ଭୋଟ୍ ଗଣନା ସକାଳ ୮ ଟାରୁ ଆରମ୍ଭ ହୋଇଯାଇଛି । ଅପରାହ୍ନ ସୁଦ୍ଧା ବହୁମତ ତଥା ଦଳର ସଂଖ୍ୟା ନେଇ ସ୍ପଷ୍ଟ ହୋଇଯିବ ।