ମୁମ୍ବାଇ-ପୁଣେ ଏକ୍ସପ୍ରେସଓ୍ବେରେ ଭୟଙ୍କର ସିରିଜ୍ ଦୁର୍ଘଟଣା, ଏକାବେଳେ ଧକ୍କା ହୋଇଗଲା ୮ଟି ଗାଡ଼ି
ମୁମ୍ବାଇ-ପୁଣେ ଏକ୍ସପ୍ରେସଓ୍ବେରେ ଗୁରୁବାର ଏକ ଭୟଙ୍କର ସଡ଼କ ଦୁର୍ଘଟଣା ହୋଇଛି। ତେବେ ହଠାତ୍ ଏଭଳି ଏକ ସିରିଜ୍ ଦୁର୍ଘଟଣା ଘଟିଲା ଯାହାକି ସ୍ଥାନୀୟ ଲୋକେ କଳ୍ପନା ବି କରିପାରିନଥିଲେ। ଏକ୍ସପ୍ରେସଓ୍ବେର ଖୋପୋଲି ଏକ୍ଜିଟ୍ ପୋଲ୍ ପାଖରେ ଏହି ଦୁର୍ଘଟଣା ହୋଇଥିଲା। ଲଗାତର ୮ଟି ଗାଡ଼ି ଦୁର୍ଘଟଣାଗସ୍ତ ହେବା ଦ୍ବାରା ରାସ୍ତା ଜାମ ହୋଇଥିଲା।
ତେବେ ବର୍ତ୍ତମାନ ସୁଦ୍ଧା ଉଦ୍ଧାରକାର୍ଯ୍ୟ ଜାରି ରହିଛି ଏବଂ ଏକ୍ସପ୍ରେସଓ୍ବେରେ ପୁଲିସ ଏବଂ ଉଦ୍ଧାରକାରୀ ଦଳ ପହଞ୍ଚି ତ୍ବରିତ ପଦକ୍ଷେପ ନେଇଛନ୍ତି।
ପୁଣେରୁ ମୁମ୍ବାଇ ଯାଉଥିବା ଲେନ୍ରେ ଏହି ଦୁର୍ଘଟଣା ହୋଇଥିଲା। ତେବେ ଏହି ଦୁର୍ଘଟଣାରେ ୧୧ ଜଣ ଲୋକ ଆହତ ହୋଇଥିବା କୁହାଯାଉଛି। ତେବେ କିଛି ଲୋକଙ୍କର ସ୍ଥିତି ଗୁରୁତର ରହିଛି। ତେବେ ଗୋଟିଏ ଟ୍ରକ୍ ନିୟନ୍ତ୍ରଣ ହରାଇବା କାରଣରୁ ଏତେ ବଡ଼ ଦୁର୍ଘଟଣା ହୋଇଥିବା କୁହାଯାଉଛି କିନ୍ତୁ ଏନେଇ କୌଣସି ସ୍ପଷ୍ଟ ସୂଚନା ମିଳିପାରିନାହିଁ। ସ୍ଥାନୀୟ ପ୍ରଶାସନର କହିବା କଥା ହେଲା ଘଟଣାର ଯାଞ୍ଚ କରାଯାଉଛି, ଅନୁସନ୍ଧାନ ପରେ ସମସ୍ତ ବୀବରଣୀ ଦିଆଯିବ। ଦୁର୍ଘଟଣା ଏତେ ଭୟଙ୍କର ଥିଲା ଯେ, କାର୍ଟି ସିଧା ଯାଇ ଟ୍ରକ୍ ଉପରେ ଚଢ଼ିଯାଇଛି।