ଆଜି ବିଜେପିର ୪୪ ତମ ପ୍ରତିଷ୍ଠା ଦିବସ, ରାଜ୍ୟ କାର୍ଯ୍ୟାଳୟରେ ଦଳୀୟ ପତାକା ଉତ୍ତୋଳନ କଲେ ସମୀର ମହାନ୍ତି

ପାଳନ ହେଲା ବିଜେପିର ୪୪ ତମ ପ୍ରତିଷ୍ଠା ଦିବସ । ଏହି ଅବସରରେ ବିଜେପି ରାଜ୍ୟ କାର୍ଯ୍ୟାଳୟରେ ଦଳୀୟ ପତାକା ଉତ୍ତୋଳନ କରିଛନ୍ତି ପୂର୍ବତନ ରାଜ୍ୟ ସଭାପତି ସମୀର ମହାନ୍ତି ଓ ପୂର୍ବତନ ମନ୍ତ୍ରୀ କେ.ଭି. ସିଂଦେଓ । ଏହି ଅବସରରେ ରାଜ୍ୟ ବଜେପିର ବହୁ ବରିଷ୍ଠ ପଦାଧିକାରୀ ଉପସ୍ଥିତ ଥିଲେ ।

ପୂର୍ବତନ ସଭାପତି ସମୀର ମହାନ୍ତି କହିଛନ୍ତି ଯେ, ୨୪ ନିର୍ବାଚନ ପୂର୍ବରୁ ଦଳକୁ ସକ୍ରିୟ କରିବା ପାଇଁ ସମସ୍ତ କର୍ମକର୍ତ୍ତାମାନେ ପ୍ରତିଜ୍ଞାବଦ୍ଧ ହେବେ । ରାଜ୍ୟ ସଭାପତି ମନମୋହନ ସାମଲ କିଛି କାମ ଯୋଗୁଁ ଉପସ୍ଥିତ ନଥିବା ପୂର୍ବତନ ରାଜ୍ୟ ସଭାପତି ସମୀର ମହାନ୍ତି କହିଛନ୍ତି । ଏହି ଅବସରରେ ରାଷ୍ଟ୍ରୀୟ ସଭାପତି ଜେ.ପି. ନଡ୍ଡା ଓ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ଅଭିଭାଷଣ ଅନଲାଇନ୍ ଯୋଗେ ପ୍ରଦାନ କରିଛନ୍ତି ।