ଝାଡ଼ଖଣ୍ଡ ଚତରା ଜଙ୍ଗଲରେ ଏନକାଉଣ୍ଟର। ପୋଲିସ ଗୁଳିରେ ମୋଷ୍ଟ ଓ୍ବାଣ୍ଟେଡ୍ ୫ ନକ୍ସଲ ନିହତ। ସ୍ଥାନୀୟ ପୋଲିସ ଓ ସିଆରପିଏଫର ମିଳିତ ସର୍ଚ୍ଚ ଅପରେସନ ବେଳେ ଏନକାଉଣ୍ଟର ହୋଇଥିଲା। ଏମାନଙ୍କ ଉପରେ ଝାଡ଼ଖଣ୍ଡ ପୋଲିସ ୨୫ଲକ୍ଷ ଟଙ୍କା ପୁରସ୍କାର ରାଶି ଘୋଷଣା କରିଥିଲେ। ମୃତକଙ୍କ ମଧ୍ୟରେ ଜଣେ ବିହାରର ହୋଇଥିବା ବେଳେ ଅନ୍ୟ ୪ଜଣ ଝାଡ଼ଖଣ୍ଡର ବୋଲି ଜଣାପଡ଼ିଛି ।
ସେମାନଙ୍କ ନିକଟରୁ ୨ଟି ଏକେ-୪୭ ଓ ୨ଟି ରେଗୁଲାର ରାଇଫଲ ଜବତ ହୋଇଛି। ସିଆରପିଏଫ ଯବାନ ସର୍ଚ୍ଚ ଅପରେସନ ଜାରି ରିଖିଛି ।
ସୂଚନା ଅନୁଯାୟୀ, ଝାଡ଼ଖଣ୍ଡ ଚତରାର ଲାବାଲୌଙ୍ଗ ଜଙ୍ଗଲରେ ମାଓବାଦୀମାନେ ମେଳି କରୁଥିବା ଖବର ପାଇ ସ୍ଥାନୀୟ ପୋଲିସ ଓ ସିଆରପିଏଫ ଯବାନ ମିଳିତ ଭାବେ ସର୍ଚ୍ଚ ଅପରେସନ କରିଥିଲେ। ଏହି ସମୟରେ ଯାବନଙ୍କୁ ଦେଖି ନକ୍ସଲମାନେ ଗୁଳିମାଡ଼ କରିଥିଲେ । ସୁରକ୍ଷାବାହିନୀ ଏହାର ପାଲଟା ଜବାବ ଦେଇଥିଲା। ପୋଲିସ ଏନକାଉଣ୍ଟରରେ ୫ କୁଖ୍ୟାତ ମାଓବାଦୀ ନିହତ ହୋଇଛନ୍ତି ।
ମୃତକଙ୍କ ମଧ୍ୟରେ ଏରିଆ କମାଣ୍ଡର ଗୌତମ ପାସଓ୍ବାନ, ଅଜିତ୍ ଓରାମ, ସବ୍ ଜେନେରାଲ କମାଣ୍ଡର ଅମର ଗଂଝୁ, ନନ୍ଦୁ ଏବଂ ସଞ୍ଜୀତ ଭୂୟାଁ ରହିଛନ୍ତି । ଏରିଆ କମାଣ୍ଡର ଗୌତମ ପାସଓ୍ବାନ ଉପରେ ଝାଡ଼ଖଣ୍ଡ ପୋଲିସ ୨୫ଲକ୍ଷ ଟଙ୍କା ଏବଂ ଅନ୍ୟମାନଙ୍କ ଉପରେ ୫ଲକ୍ଷ ଟଙ୍କା ଲେଖାଏଁ ପୁରସ୍କାର ରାଶି ଘୋଷଣା କରିଥିଲା । ସେମାନଙ୍କ ନିକଟରୁ ୨ଟି ଏକେ-୪୭ ଓ ୨ଟି ରେଗୁଲାର ରାଇଫଲ ଜବତ ହୋଇଛି। ସିଆରପିଏଫ ଏବେବି ସର୍ଚ୍ଚ ଅପରେସନ ଜାରି ରିଖିଛି ।