ଜଗତସିଂହପୁର ଜିଲ୍ଲା ବାଲିକୁଦା ଥାନା ଅନ୍ତର୍ଗତ ଇଚ୍ଛାପୁର ମାଧୁରୀ ବଜାରରେ ଥିବା ଏକ ବାଣ ଗୋଦାମରେ ଭୟଙ୍କର ବିସ୍ଫୋରଣ ଘଟିଛି। ଏହି ବିସ୍ଫୋରଣରେ ୩ ଜଣଙ୍କ ମୃତ୍ୟୁ ହୋଇଥିବା ସୂଚନା ମିଳିଛି । ବିସ୍ଫୋରଣ ପରେ ପୋଖରୀରୁ ମୃତଦେହ ମିଳିଥିଲା । ସମ୍ଭବ ତ ସେମାନେ ରକ୍ଷା ପାଇବା ପାଇଁ ପୋଖରୀକୁ ଡ଼େଇଁ ପଡ଼ିଥିଲେ । ସେହିପରି ଗୁରୁତର ଆହତ ହୋଇଥିବା ଅନ୍ୟ ୨ ଜଣଙ୍କୁ କଟକ ବଡ଼ ଡ଼ାକ୍ତରଖାନାକୁ ସ୍ଥାନାନ୍ତରିତ କରାଯାଇଛି ।
ମିଳିଥିବା ସୂଚନା ମୁତାବକ ଆଜି ମଧ୍ୟାହ୍ନରେ ଇଚ୍ଛାପୁରସ୍ଥିତ ମାଧୁରୀ ବାଜାରରେ ଥିବା ବାଣ ଗୋଦାମରେ ପ୍ରାୟ ୧.୧୫ ମିନିଟ ସମୟରେ ହଠାତ ନିଆଁ ଲାଗି ଯାଇଥିଲା। କେହି କିଛି ବୁଝିବା ପୂର୍ବରୁ ପ୍ରଚଣ୍ଡ ବିସ୍ଫୋରଣ ହୋଇଥିଲା। ତେବେ ଗୋଦାମ ଭିତରେ ଥିବା ଲୋକମାନେ ବାହାରି ପାରି ନଥିଲେ। ଏହି ଘଟଣା ପରେ ସ୍ଥାନୀୟ ଲୋକ, ଅଗ୍ନିଶମ ବାହିନୀ ନିଆଁକୁ ଆୟତ୍ତ କରିବା ସହ ୩ ମୃତଦେହ ଉଦ୍ଧାର କରିଥିଲେ । ଆଉ ୨ଜଣ ଗୁରୁତର ଆହତଙ୍କୁ ଜିଲ୍ଲା ମୁଖ୍ୟ ଚିକିତ୍ସାଳୟ ପଠାଇଥିଲେ। ତେବେ ସେମାନଙ୍କ ସ୍ଥିତି ଗୁରୁତର ଥିବାରୁ ତାଙ୍କୁ କଟକ ସ୍ଥାନାନ୍ତର କରାଯାଇଛି।ମୃତକ ଓ ଆହତ ମାନଙ୍କ ପରିଚୟ ବର୍ତମାନ ସୁଦ୍ଧା ମିଳିପାରିନଥିଲେ ମଧ୍ୟ ଇଛାପୁର ସମବାୟ ସମିତିର ସଭାପତି ସୁଶାନ୍ତ ପୃଷ୍ଟି ଗୁରୁତର ଆହତ ହୋଇଛନ୍ତି । ତାଙ୍କ ଶରୀରର ୯୦ ପ୍ରତିଶତ ପୋଡ଼ି ଯାଇଥିବା ସୂଚନା ।