କେହି କିଛି ଭାବିବା ପୂର୍ବରୁ ଫିଲ୍ମ ଷ୍ଟାଇଲ୍ରେ ବଜାର ଉପରେ ସମସ୍ତଙ୍କ ସାମ୍ନାରେ ଜଣେ ଦୁର୍ବୃତ୍ତ ଉପରକୁ ପୋଲିସ ଚଳାଇଲା ଗୁଳି । ସେଇଠି ପଡିଗଲା ଦୁର୍ବୃତ୍ତ । ସଂଗେ ସଂଗେ ପୋଲିସ ତାକୁ ନିଜ କବ୍ଜାରେ ନେଇ ଗୋଇଠା ବିଧା ମାରିବା ସହ ଠେଙ୍ଗାରେ ବି ପିଟିଥିଲା ଓ ପରେ ପରେ ଗାଡ଼ିରେ ବସାଇ ଥାନାକୁ ନେଇଯାଇଥିଲା । ଏଭଳି ଏକ ଭିଡିଓ ଏବେ ସୋସିଆଲ ମିଡିଆରେ ଭାଇରାଲ ହେବାରେ ଲାଗିଛି । ତେବେ ଏହି ଭିଡିଓଟି କର୍ଣ୍ଣାଟକର କାଲବୁରଗାଇ ସହରର ମାର୍କେଟର ।
Shootout at #Kalaburagi #Karnataka. A man named Jaffer who was threatening people brandishing knife was shot at his feet and injured by police to over power him. Despite repeated appeals, he didn't listen. He was rushed to nearby hospital. Cops are investigating y he did that. pic.twitter.com/FQitDpXzlI
— Imran Khan (@KeypadGuerilla) February 6, 2023
ସୂଚନା ଅନୁସାରେ, ଗତକାଲି ଅର୍ଥାତ ରବିବାର ଫଜାଲ ଭଗବାନ ନାମକ ଜଣେ ଯୁବକ କର୍ଣ୍ଣାଟକର କାଲବୁରଗାଇ ସହରର ମାର୍କେଟରେ ଏକ ଭୁଜାଲି ଧରି ଆତଙ୍କ ସୃଷ୍ଟି କରିଥିଲା । ସମସ୍ତଙ୍କୁ ଧମକ ଚମକ ଦେଉଥିଲା । ଖବର ପାଇ ପୋଲିସ ଘଟଣାସ୍ଥଳରେ ପହଞ୍ଚିଲା । ଏଥିସହ ଦୁର୍ବୃତ୍ତକୁ ବୁଝାଶୁଝା କରି କାବୁ କରିବାକୁ ମଧ୍ୟ ଚେଷ୍ଟା କରିଥିଲା । ହେଲେ ବିଫଳ ହେଲା । ପୋଲିସ ଦେଖି ଦୁର୍ବୃତ୍ତ ଜଣକ ଡରିବା ବଦଳରେ ଅଧିକ ଉତ୍ତେଜିତ ହୋଇଥିଲେ । ଆଉ ଚିତ୍କାର କରି ଲୋକଙ୍କ ଆଡ଼କୁ ଭୁଜାଲି ଧରି ମାଡ଼ି ଆସିଥିଲେ । ଫଳରେ ବାଧ୍ୟ ହୋଇ ପୋଲିସ ଚଳାଇଥିଲା ଗୁଳି । ଦୁର୍ବୃତ୍ତର ଗୋଡ଼କୁ ଗୁଳି କରିଥିଲା ପୋଲିସ । ଆଉ ସେଇଠି ହିଁ ଚିତ୍କାର କରି ତଳେ ପଡ଼ିଯାଇଥିଲା ଦୁର୍ବୃତ୍ତ ।
ତାପରେ ସେହି ରାସ୍ତା ଉପରେ ଦୁର୍ବୃତ୍ତକୁ ପୋଲିସ ନିର୍ଧୁମ ପିଟିବା ସହ ଗୋଇଠା ବିଧା ମାରି ଠେଙ୍ଗାରେ ପିଟିଥିଲା । ଶେଷରେ ଅଧାମରା କରି ପୋଲିସ ଗାଡ଼ିରେ ନେଇ ଥାନାକୁ ଗଲା । ଏହି ଘଟଣାର ସମ୍ପୂର୍ଣ୍ଣ ଭିଡିଓ ଏବେ ସୋସିଆଲ ମିଡିଆ ରେ ଭାଇରାଲ ହେଉଛି ।