ହକି ବିଶ୍ୱକପ ପାଇଁ ଭୁବନେଶ୍ୱରରେ ପହଁଚିଲେ ୱେଲ୍ସ ଟିମ । କଡା ସୁରକ୍ଷା ବଳୟରେ ୱେଲକମ ହୋଟେଲକୁ ନେଇଛି କମିଶନରେଟ ପୋଲିସ । ପ୍ରଥମ ଥର ପାଇଁ ବିଶ୍ୱ କପ ଖେଳିବା ପାଇଁ ଯୋଗ୍ୟତା ହାସଲ କରିଥିବା ଦଳ ବେଶ ଉତ୍ସାହିତ ଅଛନ୍ତି ।
ଟିମ ୱେଲ୍ସରେ ଭଲ ତଥା ଅଭିଜ୍ଞ ଖେଳାଳି ଅଛନ୍ତି । ଭଲ ପ୍ରଦର୍ଶନ କରିବା ନେଇ କୋଚ୍ ଏବଂ ଅଧିନାୟକ ଦଳ ଉପରେ ଭରଷା ରଖିଛନ୍ତି । ଗ୍ରୁପ ଡି’ରେ ଭାରତ ଇଂଲଣ୍ଡ ଓ ସ୍ପେନ ସହ ଖେଳିବ ୱେଲ୍ସ । ରାଉରକେଲାରେ ୱେଲ୍ସ ୨ଟି ମ୍ୟାଚ୍ ଖେଳିବାକୁ ଥିବାବେଳେ ଜାନୁଆରୀ ୧୯ରେ କଳିଙ୍ଗ ଷ୍ଟାଡିଅମରେ ଭାରତକୁ ଭେଟିବ । ପ୍ରଥମ ଥର ପାଇଁ ଦଳ ବିଶ୍ୱ କପ ଖେଳିବ । ତେଣୁ ମ୍ୟାଚ୍, ପିଚ୍ ଏବଂ ଦର୍ଶକକୁ ନେଇ ଦଳ ଉତ୍ସାହିତ ରହିଛି।