ପୁରୁଷ ହକି ବିଶ୍ୱକପ-୨୦୨୩ରେ ଭାଗ ନେବା ପାଇଁ ଶୁକ୍ରବାର ବେଲଜିୟମ୍ ଦଳ ଭୁବନେଶ୍ୱରରେ ପହଞ୍ଚିଛି । ତୃତୀୟ ବିଦେଶୀ ଦଳ ଭାବେ ବେଲଜିୟମ୍ ଭୁବନେଶ୍ୱରରେ ପହଞ୍ଚିଛି । ଭୁବନେଶ୍ୱର ବିଜୁ ପଟ୍ଟନାୟକ ବିମାନ ବନ୍ଦରରେ ଦଳର ଖେଳାଳି ମାନେ ପହଞ୍ଚିବା ପରେ ସେମାନଙ୍କୁ ଭବ୍ୟ ସ୍ୱାଗତ କରାଯାଇଛି ।
ଖେଳାଳୀମାନଙ୍କୁ କଡ଼ା ସୁରକ୍ଷାରେ ହୋଟେଲକୁ ନିଆଯାଇଛି। ସୂଚନାଯୋଗ୍ୟ, ୨୦୧୮ରେ ବେଲଜିୟମ୍ ହକି ବିଶ୍ୱକପ ଚାମ୍ପିଅନ୍ ହୋଇଥିଲା ।
ପୂର୍ବରୁ ହକି ବିଶ୍ୱକପରେ ଭାଗ ନେବା ପାଇଁ ଗୁରୁବାର ଚିଲି ଭୁବନେଶ୍ୱର ପହଞ୍ଚିଥିଲା । ସେହିପରି ବୁଧବାର ଦିନ ନେଦରଲାଣ୍ଡସ ଦଳର ଖେଳାଳୀ ମାନେ ଭୁବନେଶ୍ୱର ପହଞ୍ଚିଥିଲେ। ଚଳିତ ମାସ ୧୩ରେ ପୁରୁଷ ହକି ବିଶ୍ୱକପ-୨୦୨୩ ଆରମ୍ଭ ହେବ।