ଓଡ଼ିଶା ଫାଷ୍ଟ(ବ୍ୟୁରୋ): ଭାଜପା ରାଷ୍ଟ୍ରୀୟ ଅଧ୍ୟକ୍ଷ ଅମିତ୍ ଶାହା ଦୁଇ ଦିନ ତଳେ ଓଡ଼ିଶା ଗସ୍ତରେ ଆସିଥିବା ବେଳେ ଆସନ୍ତା ୩ରେ ପୁଣି ଓଡ଼ିଶା ଗସ୍ତରେ ଆସିବେ । ଏଥର ଶାହା ପୁରୀରେ ହେବାକୁ ଥିବା ‘ବିଜେପି ଜନଜାତି ରାଷ୍ଟ୍ରୀୟ ମହାଧିବେଶନ’ର ଉଦଯାପନୀ ସମାରୋହରେ ଯୋଗଦେବେ । ଏହାସହିତ ଏକ ଜନସଭାରେ ଯୋଗଦେଇ ଉଦବୋଧନ ଦେବାର କାର୍ଯ୍ୟକ୍ରମ ରହିଛି । ସେହିପରି ଆସନ୍ତା ୬ରେ ପୁଣିଥରେ ଦିନିକିଆ ଓଡିଶା ଗସ୍ତରେ ଆସୁଛନ୍ତି କଂଗ୍ରେସ ହାଇକମାଣ୍ଡ ରାହୁଲ ଗାନ୍ଧୀ । ଗତ ୨୫ ତାରିଖରେ ରାହୁଲ ଓଡ଼ିଶା ଗସ୍ତରେ ଆସି ରାଜ୍ୟ ଓ କେନ୍ଦ୍ର ସରକାରଙ୍କୁ କଡ଼ା ଭାଷାରେ ଭର୍ତ୍ସନା କରିଥିବା ବେଳେ ଏଥର ସେ ପଶ୍ଚିମ ଓଡ଼ିଶା ଗସ୍ତ କରିବାର କାର୍ଯ୍ୟକ୍ରମ ରହିଛି । ସେ ଭବାନୀପାଟଣା ଓ ରାଉରକେଲାରେ ଦୁଇଟି ସମାବେଶରେ ଯୋଗ ଦେବବର କାର୍ଯ୍ୟକ୍ରମ ସ୍ଥିର କରାଯାଇଛି । ସାଧାରଣ ନିର୍ବାଚନ ପାଖେଇ ଆସୁଥିବା ବେଳେ ଦୁଇ ପ୍ରମୁଖ ଜାତୀୟ ଦଳ ନଜରରେ ରହିଛି ଓଡ଼ିଶା ।
