ଶିମିଳିପାଳରେ ହାତୀ ମୃତ୍ୟୁ ଘଟଣାରେ ଗିରଫ ହେଲେ ୩ ବନ କର୍ମଚାରୀ। ହାଇକୋର୍ଟଙ୍କ ତାଗିଦ୍ ପରେ ଆକ୍ସନ ମୁଡ୍ରେ ଶିମିଳିପାଳ ବ୍ୟାଘ୍ର ପ୍ରକଳ୍ପ। ତ୍ଵରିତ କାର୍ଯ୍ୟାନୁଷ୍ଠାନ ସ୍ୱରୂପ ହାତୀ ପୋଡି ଘଟଣାରେ ୩ ବନ କର୍ମଚାରୀଙ୍କୁ ନିଲମ୍ବିତ କରିବା ସହ ଗିରଫ କରାଯାଇଥିବା ସୂଚନା ମିଳିଛି।
ଫରେଷ୍ଟର ରେଞ୍ଜ ଦାୟିତ୍ୱରେ ଥିବା ଶିବଶଙ୍କର ସାମଲଙ୍କ ସମେତ ଫରେଷ୍ଟର ଚଦ୍ରଭାନୁ ବେହେରା ଓ ଫରେଷ୍ଟ ଗାର୍ଡ ବିନୋଦ କୁମାର ଦାଶଙ୍କୁ ଗିରଫ କରି ଏକ ଆଜ୍ଞାତ ସ୍ଥାନରେ ରଖି ପଚରାଉଚୁରା କରାଯାଉଛି।
ଶିମିଳିପାଳରେ ହାତୀ ମୃତ୍ୟୁ ଘଟଣାର ତଦନ୍ତରେ ବିଳମ୍ବ କାରଣରୁ ହାଇକୋର୍ଟ ବନ ବିଭାଗକୁ ଭତ୍ସନା କରିଥିଲେ। ତାପରେ ଯାଇ ଏସ.ଟି.ଆରର ବାରିପଦା ଦକ୍ଷିଣ ଡିଭିଜନର ୨ଜଣ ଏ.ସି.ଏଫ ଯଶୀପୁର ଥାନାରେ ଲିଖିତ ଏତଲା ଦେଇଥିଲେ। ଅଭିଯୁକ୍ତମାନଙ୍କୁ ମଙ୍ଗଳବାର ଯଶିପୁର ପୋଲିସ ଅଟକ ରଖିଥିଲା। ଆଜି ସମ୍ପୃକ୍ତ ୩ ଜଣଙ୍କୁ ଗିରଫ କରି କୋର୍ଟ ଚାଲାଣ କରାଯାଉଛି।