ପଦ୍ମପୁର ଉପନିର୍ବାଚନରେ ବାଜି ମାରିଛନ୍ତି ବିଜେଡି ପ୍ରାର୍ଥିନୀ ବର୍ଷା ସିଂ ବରିହା। ଅନ୍ତିମ ୨୩ ରାଉଣ୍ଡ ସୁଦ୍ଧା ବର୍ଷାଙ୍କୁ ୧,୧୯,୫୧୨ ଖଣ୍ଡ ଭୋଟ୍ ମିଳିଥିବା ବେଳେ ଭାଜପା ପ୍ରାର୍ଥୀ ପ୍ରଦୀପ ପୁରୋହିତ ୭୭,୪୪୭ ଖଣ୍ଡ ଭୋଟ୍ ପାଇଛନ୍ତି। ତେବେ ୪୨,୦୬୫ ଖଣ୍ଡ ଭୋଟ୍ରେ ପ୍ରଦୀପ ପରାସ୍ତ ହୋଇଥିବା ବେଳେ ବିଜୟ ମୁକୁଟ ପିନ୍ଧିଛନ୍ତି ବର୍ଷା।
ଗଣତି ଆରମ୍ଭରୁ ହିଁ ବର୍ଷା ବହୁ ଭୋଟ୍ରେ ଆଗରେ ଥିଲେ। କୌଣସି ରାଉଣ୍ଡରେ ଭାଜପା ବିଜେଡିକୁ ଟପି ଆଗକୁ ଯାଇ ପାରି ନ ଥିଲା। ସେହିପରି କଂଗ୍ରେସର ସ୍ଥିତି ଅତ୍ୟନ୍ତ ଖରାପ ଥିଲା। କଂଗ୍ରେସକୁ ମାତ୍ର ୩,୫୪୮ ଖଣ୍ଡ ଭୋଟ୍ ମିଳିଛି।