ବଲିଉଡ ଖିଲାଡି ବୟ ଅକ୍ଷୟ କୁମାର ଏବେ ବଲିଉଡରୁ ସିଧା ମରାଠି ଫିଲ୍ମ ଇଣ୍ଡଷ୍ଟ୍ରିକୁ ଲମ୍ଫ ମାରିବାକୁ ଯାଉଛନ୍ତି । ସୂଚନାଯୋଗ୍ୟ, ମହେଶ ମାଂଜରେକରଙ୍କ ନିର୍ଦ୍ଦେଶନାରେ ନିର୍ମାଣ ହେବାକୁ ଯାଉଥିବା ଫିଲ୍ମରେ ଅକ୍ଷୟ କୁମାର ଛତ୍ରପତି ଶିବାଜୀ ମହାରାଜଙ୍କ ଭୂମିକାରେ ଅଭିନୟ କରିବାକୁ ସମ୍ପୂର୍ଣ୍ଣ ପ୍ରସ୍ତୁତ ହୋଇଗଲେଣି ।
ଏହି ଫିଲ୍ମରେ ସେ ତାଙ୍କର ୧୦୦ ପ୍ରତିଶତ ଏଫର୍ଟ ଦେବେ ବୋଲି କହିଛନ୍ତି । କାରଣ ଏହା ତାଙ୍କର ବହୁତ ନିକଟତର । ଫିଲ୍ମ ‘ଭେଡାତ ମରାଠେ ବୀର ଦୈଦାଲେ ସାତ’ ଛତ୍ରପତି ଶିବାଜୀ ମହାରାଜଙ୍କ ଅସଧାରଣ ବାହାଦୂରି ଉପରେ ଆଧାରିତ ଫିଲ୍ମ । ଫିଲ୍ମର ଘୋଷଣା ବୁଧବାର ମହାରାଷ୍ଟ୍ର ମୁଖ୍ୟମନ୍ତ୍ରୀ ଏକନାଥ ଶିନ୍ଦେ ଓ ମହାରାଷ୍ଟ୍ର ନବନିର୍ମାଣ ସେନାର ମୁଖ୍ୟ ରାଜ ଠାକରେଙ୍କ ଉପସ୍ଥିତିରେ କରାଯାଇଥିଲା ।
ସୂଚନାଯୋଗ୍ୟ, ଏହାକୁ ନେଇ କଥା ହେବା ସମୟରେ ଅକ୍ଷୟ ପିଟିଆଇକୁ କହିଛନ୍ତି, ମୁଁ ଛତ୍ରପତି ଶିବାଜୀ ମହାରାଜଙ୍କ ଭୂମିକାରେ ଅଭନୟ କରୁଛି, ରାଜ ଠାକରେଙ୍କ ଯୋଗୁଁ ମୋତେ ଏହି ଭୂମିକା ମିଳିଛି । ଠାକରେ କହିଥିଲେ. ଅକ୍ଷୟ ତୁମକୁ ଏହି ଚରିତ୍ରରେ ଅଭିନୟ କରିବା କଥା । ଆଉ ଏହା ଶୁଣିବା ପରେ ମୁଁ ଆଶ୍ଚର୍ଯ୍ୟ ହୋଇଯାଇଥିଲି । ମୋ ପାଇଁ ଏହା ବହୁତ ବଡ କଥା, ଏହା ବହୁତ ବଡ କାମ ଓ ଏଥିପାଇଁ ମୁଁ ମୋର ଶ୍ରେଷ୍ଠ ଏଫର୍ଟ ଦେବି ବୋଲି ଅକ୍ଷୟ କହିଛନ୍ତି ।