ଟିଭିର ପ୍ରସିଦ୍ଧ ହାସ୍ୟ ଦମ୍ପତି ଭାରତୀ ସିଂହ ଏବଂ ତାଙ୍କ ସ୍ୱାମୀ ହର୍ଷ ଲିମ୍ବାଚିଆଙ୍କ ସମସ୍ୟା ବଢୁଥିବା ଜଣାପଡିଛି। ଡ୍ରଗ୍ସ ମାମଲାରେ ନାର୍କୋଟିକ୍ସ କଣ୍ଟ୍ରୋଲ୍ ବ୍ୟୁରୋ (ଏନସିବି) ଦମ୍ପତିଙ୍କ ବିରୋଧରେ ୨୦୦ ପୃଷ୍ଠାର ଚାର୍ଜସିଟ୍ ଦାଖଲ କରିଛି। ଏହି ମାମଲାରେ ଦୁହେଁ ପୂର୍ବରୁ ଜେଲ ମଧ୍ୟ ଯାଇଥିଲେ।
ବର୍ତ୍ତମାନ ଦୁହେଁ ଜାମିନରେ ଅଛନ୍ତି। ଏନସିବି ଏହି ଦମ୍ପତିଙ୍କ ଘରେ ମଧ୍ୟ ଚଢାଉ କରିଥିଲା ଯେଉଁଠାରେ ଅନୁସନ୍ଧାନକାରୀ ସଂସ୍ଥା ଗଞ୍ଜେଇ ଜବତ କରିଥିଲା। ପରେ ପଚରାଉଚରା ବେଳେ ସେମାନେ ଡ୍ରଗ୍ସ ସେବନ କରିଥିବା ସ୍ୱୀକାର କରିଥିଲେ।
ସୂଚନା ଅନୁଯାୟୀ, ଭାରତୀ-ହର୍ଷଙ୍କ ଏହି ମାମଲା ୨୦୨୦ ବର୍ଷର । ସେହି ସମୟରେ ଏନସିବି ଏହି ଦମ୍ପତିଙ୍କ ଘରେ ଚଢାଉ କରିଥିଲା। ଯେଉଁଠାରେ ଏଜେନ୍ସି ୮୬.୫ ଗ୍ରାମ୍ ଗଞ୍ଜେଇ ଉଦ୍ଧାର କରିଥିଲା। ଏହି ମାମଲାରେ ଦୁହିଁଙ୍କୁ ଅନେକ ଘଣ୍ଟା ପଚରାଉଚରା କରାଯାଇଥିଲା। ଯେଉଁଠାରେ ଦମ୍ପତି ଡ୍ରଗ୍ସ ସେବନ କରିଥିବା ସ୍ୱୀକାର କରିଥିଲେ।
ବର୍ତ୍ତମାନ ଏନସିବି ଏହି ମାମଲାରେ ୨୦୦ ପୃଷ୍ଠାର ଚାର୍ଜସିଟ୍ ଦାଖଲ କରିଛି। ସଂସ୍ଥାର ଅନୁସନ୍ଧାନରେ କେଉଁ ତଥ୍ୟ ସାମ୍ନାକୁ ଆସିଛି ତାହା ବର୍ତ୍ତମାନ ସୁଦ୍ଧା ପ୍ରକାଶ କରାଯାଇ ନାହିଁ। କିନ୍ତୁ ପୁଣିଥରେ ଭାରତୀ-ହର୍ଷଙ୍କ ସମସ୍ୟା ନିଶ୍ଚିତ ଭାବେ ବଢୁଥିବା ଜଣାପଡିଛି।