ଅଚଳ ହୋଇଯାଇଛି ହ୍ଵାଟସ୍ଆପ୍; ଦୀର୍ଘ ଏକ ଘଣ୍ଟା ହେବ ମେସେଜ ଆସିବା ଓ ଯିବା ହୋଇଯାଇଛି ଠପ
ଲୋକପ୍ରିୟ ମେସେଜିଂ ଆପ୍ ହ୍ଵାଟସ୍ଆପ୍ ଭାରତରେ ଅଚଳ। ଦୀର୍ଘ ଏକ ଘଣ୍ଟା ହେବ ହ୍ଵାଟସ୍ଆପ୍ ଅଚାନକ ଡାଉନ୍ ହୋଇଯାଇଛି। ୟୁଜରମାନେ କୌଣସି ମେସେଜ୍ ପଠାଇ ପାରୁ ନାହାଁନ୍ତି। ଫଳରେ ଏନେଇ ୟୁଜରମାନେ ଅସନ୍ତୋଷ ପ୍ରକାଶ କରିଛନ୍ତି।ଡାଉନଡିଟେକ୍ଟରରେ ପ୍ରାୟ ୨୦ ହଜାରରୁ ଅଧିକ ୟୁଜର ଏନେଇ ଅଭିଯୋଗ କରିସାରିଛନ୍ତି।
ୟୁଜରମାନେ ମାଇକ୍ରୋବ୍ଲଗିଙ୍ଗ ସାଇଟ୍ ଟ୍ଵିଟର ଏବଂ ଫେସବୁକ୍ରେ ମଧ୍ୟ ଏନେଇ ଲେଖିବା ଆରମ୍ଭ କରିଦେଲେଣି। ତେବେ ଏନେଇ ମେଟା ମୁଖପାତ୍ର ସ୍ପଷ୍ଟୀକରଣ ରଖିଛନ୍ତି। ସେ କହିଛନ୍ତି ଯେ, କିଛି ୟୁଜରଙ୍କ ସମସ୍ୟା ଥିବା ଅଭିଯୋଗ ହୋଇଛି। ଖୁବ୍ ଶୀଘ୍ର ପୂର୍ବ ଅବସ୍ଥାକୁ ଫେରାଇ ଆଣିବାକୁ ଚେଷ୍ଟା କରୁଛୁ।