କୃଷକଙ୍କୁ ଦୀପାବଳି ଭେଟି ଦେଲେ ପ୍ରଧାନମନ୍ତ୍ରୀ; ଚାଷୀଙ୍କ ଆକାଉଣ୍ଟକୁ ଗଲା ପିଏମ କିଷାନ ସମ୍ମାନ ନିଧିର ଦ୍ୱାଦଶ କିସ୍ତି

ଦୀପାବଳିର କିଛିଦିନ ପୂର୍ବରୁ କୃଷକଙ୍କୁ ଦୀପାବଳି ଭେଟି ଦେଲେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି । ଚାଷୀଙ୍କ ଆକାଉଣ୍ଟରେ ଜମା ହେଲା ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ପିଏମ କିଷାନ ସମ୍ମାନ ନିଧିର ଦ୍ୱାଦଶ କିସ୍ତି । ଏହି ଯୋଜନା ଅଧୀନରେ ଚାଷୀଙ୍କ ଆକାଉଣ୍ଟରେ ଦ୍ୱାଦଶ କିସ୍ତିର ୨୦୦୦ ଟଙ୍କା ଜମା କରାଯାଇଛି।

ସୂଚନାଯୋଗ୍ୟ, ଏଥି ପୂର୍ବରୁ ୧୧ତମ କିସ୍ତିକୁ ପିଏମ୍ ମୋଦି ୩୧ ମେ’, ୨୦୨୨ରେ ଚାଷୀଙ୍କ ଆକାଉଣ୍ଟକୁ ଟ୍ରାନ୍ସଫର କରିଥିଲେ। ମୋଦି ଅକ୍ଟୋବର ୧୭ରେ ପୁସାସ୍ଥିତ ଭାରତୀୟ କୃଷି ଅନୁସନ୍ଧାନ ସଂସ୍ଥାନ (ଆଇସିଆର)ରେ ଆୟୋଜିତ କାର୍ଯ୍ୟକ୍ରମରେ ଡିବିଟି ଜରିଆରେ ଦ୍ୱାଦଶ କିସ୍ତି ଜାରି କରିଛନ୍ତି। ସେ ଚାଷୀଙ୍କ ଆକାଉଣ୍ଟକୁ ୧୬ ହଜାର କୋଟି ଟଙ୍କା ଟ୍ରାନ୍ସଫର କରିଛନ୍ତି। ଏହି ସମୟରେ ପ୍ରଧାନମନ୍ତ୍ରୀ କୃଷକ ଓ କୃଷି ଷ୍ଟାର୍ଟଅପ୍, ଗବେଷକ, ନୀତି ନିର୍ମାତା, ବ୍ୟାଙ୍କର୍ ଏବଂ ଅନ୍ୟାନ୍ୟ ହିତାଧିକାରୀଙ୍କୁ ମଧ୍ୟ ସମ୍ବୋଧିତ କରିଥିଲେ।