ମଝି ସମୁଦ୍ରରେ ବୁଡ଼ିଲା ବୋଟ୍ । ୭୩ ଜଣଙ୍କ ମୃତ୍ୟୁ ହୋଇଛି । ୨୦ ଜଣଙ୍କୁ ଉଦ୍ଧାର କରି ଗୁୁରୁତର ଅବସ୍ଥାରେ ହସ୍ପିଟାଲରେ ଭର୍ତ୍ତି କରାଯାଇଛି । ଏଭଳି ଛାତିଥରା ଦୃଶ୍ୟ ଦେଖିବାକୁ ମିଳିଛି ସିରିଆ ସମୁଦ୍ର ଉପକୂଳରେ। ଲେବାନନରୁ ପ୍ରବାସୀଙ୍କୁ ନେଇ ଯାତ୍ରା କରୁଥିବା ବୋଟ ବୁଡିଛି । ବୋଟରେ ୧୨୦ରୁ ୧୫୦ ଜଣ ଯାତ୍ରୀ ଥିଲେ ।
ارتفاع حصيلة وفيات القارب الذي غرق قبالة سواحل #طرطوس إلى 34#إرم_نيوز #سوريا pic.twitter.com/HNlawzMmhb
— Erem News – إرم نيوز (@EremNews) September 22, 2022
ସେମାନେ ସିରିୟା, ଲେବାନନ ଓ ପାଲେଷ୍ଟାଇନର ନାଗରିକ । ଘଟଣା ସ୍ଥଳରେ ଅନେକ ପ୍ରାଣ ହରାଇଥିଲେ । ଏମାନଙ୍କ ମଧ୍ୟରୁ ଅଧିକାଂଶ ମହିଳା ଓ ଛୋଟ ଛୁଆ । ବେଆଇନ ଭାବେ ଏମାନେ ୟୁରୋପ ଯାଉଥିଲେ । ବୋଟ୍ ବୁଡିର କାରଣ ସ୍ପଷ୍ଟ ହୋଇନାହିଁ ।
ବୋଟ ବୁଡି ପରେ ଏବେ ବି ଅନେକ ଲୋକ ନିଖୋଜ ଅଛନ୍ତି । ବୋଟ୍ ବୁଡ଼ି ଖବର ମିଳିବା ପରେ ପୋଲିସ ସହ ପ୍ରତିରକ୍ଷା ମନ୍ତ୍ରାଳୟ ଏବଂ ଅନ୍ୟ ଅଧିକାରୀ ଘଟଣାସ୍ଥଳରେ ଉଦ୍ଧାର କାର୍ଯ୍ୟ ଆରମ୍ଭ କରିଛନ୍ତି। ନିଖୋଜ ଥିବା ଲୋକଙ୍କୁ ଠାବ କରିବାକୁ ଅଭିଯାନ ଜାରି ରହିଛି ।