ଓଡିଶା ଫାଷ୍ଟ ବ୍ୟୁରୋ: ନିଜ ନାମକୁ ବଦଳାଇବାକୁ ଚିନ୍ତା କରୁଛନ୍ତି ଆଲିଆ ଭଟ୍ଟ। ଆଲିଆ ତାଙ୍କର ସମ୍ପୂର୍ଣ୍ଣ ନାମ ପରିବର୍ତ୍ତନ କରୁନାହାଁନ୍ତି। ସେ ତାଙ୍କ ସ୍ୱାମୀ ରଣବୀର କପୁରଙ୍କ ଟାଇଟେଲକୁ ତାଙ୍କ ନାମ ପଛରେ ଯୋଡିବାକୁ ଯୋଜନା କରୁଛନ୍ତି। ହଁ, ଆଲିଆ ଖୁବ୍ ଶୀଘ୍ର ତାଙ୍କ ନାମ ଆଲିଆ ଭଟ୍ଟରୁ ଆଲିଆ ଭଟ୍ଟ କପୁରଙ୍କୁ ପରିବର୍ତ୍ତନ କରିବାକୁ ଯାଉଛନ୍ତି।
ନିକଟରେ ଆଲିଆ ଭଟ୍ଟ ମିଡ ଡେକୁ ଦେଇଥିବା ଏକ ସାକ୍ଷାତକାରରେ କହିଛନ୍ତି ଯେ ସେ ବର୍ତ୍ତମାନ କପୁର ପରିବାରର ଏକ ଅଂଶ ହୋଇଯାଇଛନ୍ତି। ତେଣୁ ବର୍ତ୍ତମାନ ସେ ଖୁବ ଶୀଘ୍ର ତାଙ୍କ ନାମକୁ ଆଲିଆ ଭଟ୍ଟ କପୁରଙ୍କ ନାମରେ ପରିବର୍ତ୍ତନ କରିବାକୁ ଯାଉଛନ୍ତି।
ରଣବୀର କପୁର ଆଲିଆ ଭଟ୍ଟଙ୍କ ସହ ବିବାହ ପରେ ପାସପୋର୍ଟରେ ନିଜର ବୈବାହିକ ଷ୍ଟାଟସକୁ ବଦଳାଇ ଦେଇଛନ୍ତି। ଏ ବିଷୟରେ କଥାବାର୍ତ୍ତା କରି ଆଲିଆ କହିଛନ୍ତି- ବର୍ତ୍ତମାନ ଆମେ ଏକ ସନ୍ତାନ ଜନ୍ମ କରିବାକୁ ଯାଉଛୁ। ମୁଁ ଆଉ ଭଟ୍ଟ ହେବାକୁ ଚାହେଁ ନାହିଁ। ମୁ ଏକା ରହିବାକୁ ଚାହେଁ ନାହିଁ। ଆଲିଆ ଆହୁରି କହିଛନ୍ତି- ମୁଁ ସର୍ବଦା ଆଲିଆ ଭଟ୍ଟ ରହିଛି, କିନ୍ତୁ ବର୍ତ୍ତମାନ ମୁଁ କପୁର ହୋଇସାରିଛି।