ଋତୁ ପରିବର୍ତ୍ତନ ହେଲେ କେବଳ ଆମ ତ୍ବଚାରେ ପରିବର୍ତ୍ତନ ଦେଖାଯାଏ ତାହା ନୁହେଁ ଏହା ଆଖି ଉପରେ ମଧ୍ୟ ପ୍ରଭାବ ପକାଏ । ଆଖିରେ ଡ୍ରାଏନେସ ହେବା, କୁଣ୍ଡାଇ ହେବା ଭଳି ନାନା ସମସ୍ୟା ଦେଖିବାକୁ ମିଳିଥାଏ । ଏପରିକି ପ୍ରଦୂଷଣ ଦ୍ବାରା ଆଖିରେ ଡ୍ରାଏନେସ ଓ ଆଲର୍ଜି ହେବାର ସମସ୍ୟା ଦେଖାଦେଇଥାଏ । ଏହାଦ୍ବାରା ଆଖି ଲାଲ, କୁଣ୍ଡାଇ ହେବା ଏବଂ ପାଣି ବାହାରିବା ଭଳି ଲକ୍ଷଣ ସାମ୍ନାକୁ ଆସିଥାଏ । ଚକ୍ଷୁ ବିଶେଷଜ୍ଞ ଡକ୍ଟର ପରାଗ ସାୱାଲ କହିଛନ୍ତି ଯେ, ଧୂଳି, ମେକ୍ଅପ ଆଦି ଦ୍ବାରା ଆଖି ଖରାପ ହେବାର ସମସ୍ୟା ସୃଷ୍ଟି ହୋଇପାରେ ।
ଯେତେବେଳେ ଆଲର୍ଜି ହେତୁ ଆଖି ଲାଲ ହୋଇଯାଏ, ଏହାକୁ ଆଲର୍ଜି କଞ୍ଜୁକଟିଭାଇଟିସ୍ କୁହାଯାଏ । ଅନ୍ୟ ପ୍ରକାରର ଆଲର୍ଜି ଯୋଗୁଁ ମଧ୍ୟ ଆଖି ଖରାପ ହୋଇପାରେ । ଉଦାହରଣ ସ୍ୱରୂପ, ଆଟୋପିକ୍ କେରାଟୋକଞ୍ଜୁକଟିଭାଇଟିସ୍ ଫଳରେ ଆଖି ଫୁଲିବା ବା କୁଣ୍ଡାଇ ହୋଇଥାଏ ।ତେବେ ଆଖି ଖରାପ କରିବାରେ ସହାୟକ ହେଉଥିବା ଅନ୍ୟାନ୍ୟ କାରଣ ଗୁଡ଼ିକ ହେଲା:
-ଔଷଧ ରିଆକ୍ସନ ଉଦାହରଣ ସ୍ୱରୂପ, ଆଣ୍ଟାସିଡ୍, ହରମୋନ୍ ରିପ୍ଲେସମେଣ୍ଟ, କେମୋଥେରାପି , ଆଣ୍ଟି-ଡିପ୍ରେସାଣ୍ଟ ଏବଂ ପେନକିଲର
-ଆଖିରେ ଡ୍ରାଏନେସ
-କଣ୍ଟାକ୍ଟ ଲେନ୍ସ ଯୋଗୁଁ ସଂକ୍ରମଣ
-ସିଗାରେଟ୍ ଧୂଆଁ ଏବଂ ଗ୍ୟାସ୍ ପରି ରାସାୟନିକ ପଦାର୍ଥ ଆଖିର ସଂସ୍ପର୍ଶରେ ଆସିବା କାରଣରୁ ଆଖି ପୋଡିବା
-ବ୍ଲେଫାରାଇଟିସ୍
-ବାୟୁ ପ୍ରଦୂଷଣ ଏବଂ ଧୂଆଁ ଯୋଗୁଁ ଆଖି କୁଣ୍ଡେଇ ହେବା ସମସ୍ୟାର ଅନେକ ଲୋକ ସମ୍ମୁଖୀନ ହେଉଛନ୍ତି । ଡ.ସାୱାଲ ଆଖିର ଆଲର୍ଜିରୁ ମୁକ୍ତି ପାଇଁ ସାହାଯ୍ୟ କରିବାକୁ ଉପାୟ ଜଣାଇଛନ୍ତି । ସେଗୁଡିକ ହେଲା…
-ଯେତେବେଳେ ଆପଣ ଆଖିରେ ଆଲର୍ଜି ହୋଇ କୁଣ୍ଡେଇ ହେବାର ସାମାନ୍ୟ ଅନୁଭବ କରୁଛନ୍ତି, ତେବେ ଆପଣ ଥଣ୍ଡା କପଡା କିମ୍ବା ଥଣ୍ଡା ପାଣିରେ ଆଖିକୁ ଧୋଇପାରିବେ ଏହାଦ୍ବାରା ଆଖି କୁଣ୍ଡାଇହେବା ଅସୁବିଧାକୁ ଦୂର କରିପାରିବେ ।
-ଯଦି ଆପଣଙ୍କ ଆଖିରେ କିଛି କଣିକା କିମ୍ବା ଧୂଳି ହେତୁ ଆଖିରେ କୁଣ୍ଡେଇ ହୁଏ, ତେବେ ଆପଣ ଉଷୁମ ପାଣି କିମ୍ବା ସାଲାଇନ୍ ସଲ୍ୟୁସନ୍ ବ୍ୟବହାର କରି ଏହାକୁ ଆଖିରୁ ବାହାର କରିପାରିବେ ।
-ଘର କିମ୍ବା କାରର ଝରକା ବନ୍ଦ ରଖନ୍ତୁ ।
-ଆଲର୍ଜେନ୍ ସହିତ ସଂସ୍ପର୍ଶରେ ନ ଆସିବା ପାଇଁ ବାହାରକୁ ଯିବାବେଳେ ଚଷମା ବ୍ୟବହାର କରନ୍ତୁ ।
-ଆଖି ଘଷିବା ଠାରୁ ଦୂରେଇ ରୁହନ୍ତୁ, କାରଣ ଆଖିର ଲଗାତାର ଘଷିବା ଦ୍ୱାରା ଆଖିର ଉପର ସ୍ତର ନଷ୍ଟ ହୋଇପାରେ, ଯାହା ଯନ୍ତ୍ରଣା ଏବଂ ସଂକ୍ରମଣର କାରଣ ହୋଇପାରେ ।
-ଆଖିରେ ଯନ୍ତ୍ରଣା ନହେବା ପାଇଁ ଆପଣ କେଶ, ଆଖିପତା, ଚର୍ମ ଏବଂ ମୁହଁରେ ଜମା ହୋଇଥିବା ମଇଳାକୁ ବାହାର କରିବା ପାଇଁ ରାତିରେ ଗାଧୋଇ ପାରିବେ ।
-ଆଖିରେ ଆଲର୍ଜେନ୍ ସ୍ଥାନାନ୍ତର ନକରିବା ପାଇଁ ପଶୁମାନଙ୍କୁ ଧରିବା ପରେ ଆପଣ ହାତ ଧୋଇବା ନିଶ୍ଚିତ କରନ୍ତୁ ।
-କଣ୍ଟାକ୍ଟ ଲେନ୍ସ ସ୍ବଚ୍ଛତା ବଜାୟ ରଖିବା ଦ୍ୱାରା ଆପଣଙ୍କ ଆଖିକୁ ଆଲର୍ଜେନ୍ ଏବଂ ଜୀବାଣୁରୁ ରକ୍ଷା କରିବାରେ ସାହାଯ୍ୟ କରିଥାଏ । ତେବେ ଯଦି ଆପଣ କଣ୍ଟାକ୍ଟ ଲେନ୍ସ ବ୍ୟବହାର କରୁଛନ୍ତି, ଆପଣ ନିଶ୍ଚିତ ଭାବରେ ସେଗୁଡିକୁ ଯଥାସମ୍ଭବ ପରିବର୍ତ୍ତନ କରିବାକୁ ନିଶ୍ଚିତ କରିବାକୁ ପଡିବ ।
-ଆଖିରେ ଡ୍ରାଏନେସ ନ ହେବା ପାଇ ଆଇ ଡ୍ରପର ବ୍ୟବହାର କରିପାରିବେ ।
-ଶେଷରେ, ନିଜକୁ ହାଇଡ୍ରେଟ୍ ରଖିବାକୁ ଜମା ଭୁଲିବେନି ।
ଏହା ବ୍ୟତୀତ, ଯଦି ଆଖିର ସମସ୍ୟା ଜାରି ରହେ କିମ୍ବା ଖରାପ ହୁଏ, ତେବେ ତୁରନ୍ତ ଚକ୍ଷୁ ବିଶେଷଜ୍ଞଙ୍କୁ ଦେଖା କରନ୍ତୁ ।