ଭାରତୀୟ ସଂସ୍କୃିତି ଓ ପରମ୍ପରା ନିଆରା ଅଟେ । ଭାରତୀୟ ସଂସ୍କୃତିରେ ନମସ୍କାର ଏକ ଗୁରୁତ୍ୱପୂର୍ଣ୍ଣ ସଂସ୍କାର ଅଟେ । ଏହା ଏକ ସମ୍ମାନର ପ୍ରତୀକ ବୋଲି କୁହାଯାଏ । କିନ୍ତୁ ଆଜି କାଲିର ହ୍ୟାଲୋ, ହାଏ ଜମାନାରେ ଆମେ ନମସ୍କାରକୁ ଧିରେ ଧିରେ ଭୁଲି ଯାଉଛୁ । କୌଣସି ଦେବା ଦେବୀ, ଗୁରୁଜନ ଲୋକ, ପିତା-ମାତା, ସନ୍ଥ-ମହାପୁରୁଷଙ୍କ ଆଗରେ ହାତ ଯୋଡି ନତମସ୍ତକ ହେବା ଦ୍ୱାରା ମନରେ ଥିବା ସବୁ ରାଗ, ହିଂସା, ଅହଂକାର ଦୂର ହେବା ସହିତ ମନ ସରଳ ଓ ସାତ୍ତିକ ହୋଇଥାଏ ଓ ମନରେ ଥିବା ଆଡମ୍ବର ନଷ୍ଟ ହୋଇଥାଏ । ଏହି ନମସ୍କାର କରିବା ଦୂାରା ମିଳୁଥିବା ଆଶୀର୍ବାଦରେ ଜୀବନ ଧନ୍ୟ ହୋଇଥାଏ ଓ ଭବିଷ୍ୟତରେ ଆଗକୁ ବଢିବା ପାଇଁ ପ୍ରେରଣା ଦେଇଥାଏ । ଏହାଛଡା ନମସ୍କାରକୁ ଆମେ ଯୋଗମୁଦ୍ରାରେ କରିଥାଉ । ଏହା ସୂର୍ଯ୍ୟ ନମସ୍କାର ମୁଦ୍ରାରେ କରାଯାଇଥାଏ । ଏହାକୁ ନିୟମିତ କରିବା ଦ୍ୱାରା ଶରୀର ନିରୋଗ ରହିଥାଏ । ତେଣୁ ହାତ ଯୋଡି ନମସ୍କାର କରିବା ଦ୍ୱାରା ହୃଦୟ ଜନିତ ସମସ୍ୟା ଦୂର ହୋଇଥାଏ ଓ ଶରୀରର ଓଜନ ମଧ୍ୟ ନିୟନ୍ତ୍ରଣରେ ରହିଥାଏ । ଏହି ଆସନ କରିବା ଦ୍ୱାରା ପାଚନ ଜନିତ ସୁସ୍ଥତା ସହ ଦୃଷ୍ଟି ଶକ୍ତି ପ୍ରଖର ହୋଇଥାଏ ।
କିପରି କରିବେ ନମସ୍କାର?
ନମସ୍କାର କରିବା ସମୟରେ ଦୁଇ ଗୋଡକୁ ଯୋଡି, ଶରୀରକୁ ହାଲ୍କା ରଖି ଓ ମନରୁ ସବୁ ହିଂସା, ଦ୍ୱେଷ ଦୂର କରିବା ଉଚିତ୍ । ନମସ୍କାର କରିବା ସମୟରେ ଶରୀରକୁ ସ୍ଥିର ରଖି ନିଷ୍ଠାର ସହ ରହିବା ଉଚିତ୍ ।