ଭୁବନେଶ୍ୱର(ଓଡ଼ିଶା ଫାଷ୍ଟ ବ୍ୟୁରୋ): ଆଜିଠୁ ଖୋଲିଲା ସ୍କୁଲ। ସକାଳ 6ଟାରୁ 9ଟା ଯାଏ ଚାଲିବ ପାଠପଢା। ରାଜ୍ୟରେ ପ୍ରଚଣ୍ଡ ଗ୍ରୀଷ୍ମପ୍ରବାହ ଯୋଗୁ ଛାତ୍ରଛାତ୍ରୀଙ୍କ ପାଇଁ 5ଦିନିଆ ଛୁଟି ଘୋଷଣା କରିଥିଲେ ରାଜ୍ୟ ସରକାର। ଆଜିଠୁ ସ୍କୁଲ ଖୋଲିଥିବା ବେଳେ ପୁଣିଥରେ ପାଠପଢା ସ୍ବଭାବିକ ହୋଇଛି। ତେବେ ଗ୍ରୀଷ୍ମପ୍ରବାହକୁ ଦୃଷ୍ଟିରେ ରଖି ସ୍କୁଲ ସମୟରେ ପରିବର୍ତ୍ତନ କରାଯାଇଛି।
ସକାଳ 6ଟାରୁ ଆରମ୍ଭ ହୋଇ 9ଟା ଯାଏ କ୍ଲାସ ଚାଲିବାକୁ ସ୍କୁଲ ଓ ଗଣଶିକ୍ଷା ବିଭାଗ ପକ୍ଷରୁ ନିଷ୍ପତ୍ତି ନିଆଯାଇଛି। ସେପଟେ ବୋର୍ଡ ଓ କାଉନସିଲ ପକ୍ଷରୁ ପରୀକ୍ଷା ଜାରି କରାଯାଇଛି । କୋରୋନା କାଳରେ ଛାତ୍ରଛାତ୍ରୀମାନେ ଦୁଇ ବର୍ଷ ଧରି ଶ୍ରେଣୀଗୃହ ପାଠପଢାରୁ ଦୂରେଇ ରହିଥିଲେ। ସେଥିପାଇଁ ଚଳିତବର୍ଷ ପାଠପଢା ଅଧିକ ପ୍ରଭାବିତ ନହେବାକୁ ସରକାର ଲକ୍ଷ୍ୟ ରଖିଛନ୍ତି।