ଭୁବନେଶ୍ୱର : ଆଜି ୭୪ ବର୍ଷରେ ପାଦ ଦେଇଛି ଭୁବନେଶ୍ୱର । ୧୯୪୮ ମସିହାର ସେହି ଐତିହ୍ୟ ସହର ଆଜି ସ୍ମାର୍ଟ ସିଟି ବା ଅତ୍ୟାଧୁନିକ ସହରରେ ପରିଣତ ହୋଇସାରିଛି। ଆଉ ଏହାରି ମଧ୍ୟରେ ବିତିଯାଇଛି ୭୩ ବର୍ଷ । ଭାରତର ପ୍ରଥମ ପରିକଳ୍ପିତ ସହର ଆଜି ଲକ୍ଷ ଲକ୍ଷ ଲୋକଙ୍କ ସ୍ଥାୟୀ ଠିକଣା ପାଲଟିଛି । ଏମିତିକି କି ବିଶ୍ୱରେ ଏବେ ନିଆରା ପରିଚୟ ନେଇ ଆଗକୁ ବଢିଚାଲିଛି ଆମ ରାଜଧାନୀ ।
୭୩ ବର୍ଷ ମଧ୍ୟରେ ଅନେକ କିଛି ବଦଳିଛି ରାସ୍ତା ଘାଟ ଠାରୁ ଆରମ୍ଭ କରି ବଡ଼ ବଡ଼ ଐତିହାସିକ ମନ୍ଦିର ଏବେ ସବୁ କିଛି ଚକାଚକ୍ । ଆଜି ସଂଧ୍ୟା ହେଲେ ଝଲସି ଉଠୁଛି ପୁରା ରାଜଧାନୀ । ରଙ୍ଗ ବେରଙ୍ଗ ଆଲୋକମାଳା ସହ ବଜାରରେ ଲୋକଙ୍କ ଭିଡ ଭୁବନେଶ୍ୱରକୁ ଆହୁରି ସୁନ୍ଦର ଓ ଭାବପୂର୍ଣ୍ଣ କରିପାରିଛି । ତେବେ ସମୟ ସହିତ ତାଳ ଦେଇ ଆଗକୁ ବଢୁଥିବା ରାଜଧାନୀ ଆଜିବି କିଛି ସହର ତୁଳନାରେ ପଛରେ ପଡିଯାଇଛି । ଭୁବନେଶ୍ୱର ପାଇଁ ଅନେକ ଯୋଜନା କେବଳ କାଗଜ କଲମରେ ରହିଯାଇଛି।