ନୂଆଦିଲ୍ଲୀ : ବିଶ୍ୱର ଧନୀ ମାନଙ୍କ ମଧ୍ୟରେ ଷଷ୍ଠ ସ୍ଥାନରେ ପହଞ୍ଚିଛନ୍ତି ଗୌତମ ଅଦାନୀ । ଅଦାନୀଙ୍କ ସମୁଦାୟ ସମ୍ପତ୍ତିର ମୂଲ୍ୟ ୧୧୮ ବିଲିୟନ୍ ଡଲାର ରହିଥିବା ବେଳେ ଗୁଗୁଲର ପ୍ରତିଷ୍ଠାତା ଲାରୀ ପେଜ୍ ଏବଂ ସର୍ଗେଇ ବ୍ରେନଙ୍କୁ ଅତିକ୍ରମ କରିଛନ୍ତି ।
ସୋମବାର ଅଦାନୀ ଗ୍ରୀନର ଅଂଶଧନ ମୂଲ୍ୟରେ ୧୦ ପ୍ରତିଶତର ଅଭିବୃଦ୍ଧି ଘଟିବା ସହିତ ଅଦାନୀଙ୍କ ସମ୍ପତ୍ତି ମୂଲ୍ୟରେ ୬୫,୦୯୧ କୋଟି ଟଙ୍କାର ଅଭିବୃଦ୍ଧି ଘଟିଥିଲା । ୪୧.୬ ବିଲିୟନର ଅଭିବୃଦ୍ଧି ସହିତ ଅଦାନୀ ଚଳିତ ବର୍ଷର ସବୁଠାରୁ ଅଧିକ ଲାଭକାରୀ ବ୍ୟକ୍ତି ରହିଛନ୍ତି । ଶେୟାର ମୂଲ୍ୟରେ ଅଭିବୃଦ୍ଧି ସହିତ ମାର୍କେଟ କ୍ୟାପରେ ଏୟାରଟେଲକୁ ପଛରେ ପକାଇ ଟପ୍ ଟେନ୍ରେ ସାମିଲ ହୋଇଥିଲା । ୧୭୬୫୫୦୩.୮୨ କୋଟିର ମାର୍କେଟ୍ କ୍ୟାପିଟାଲ ସହିତ ରିଲାଏନ୍ସ ଏହି ତାଲିକାରେ ଏକ ନମ୍ବର ସ୍ଥାନରେ ରହିଛି ।