ମୁମ୍ବାଇ : ଓଟିଟିରେ ଆସିଗଲା ରଣବୀର ସିଂହଙ୍କ ଦମ୍ଦାର ଫିଲ୍ମ ‘୮୩’। ଏବେ ଓଟିଟି ପ୍ଲାଟଫର୍ମ ଡିଜ୍ନି ପ୍ଲସ୍ ହଟ୍ଷ୍ଟାରରେ ରିଲିଜ୍ ହୋଇଛି ୮୩। ଫିଲ୍ମରେ ରଣବୀର ସିଂହ କିମ୍ବଦନ୍ତୀ କ୍ରିକେଟର କପିଲ ଦେବଙ୍କ ଭୂମିକାରେ ଅଭିନୟ କରିଛନ୍ତି। ୧୯୮୩ କ୍ରିକେଟ୍ ବିଶ୍ୱ କପ୍ ଉପରେ ଆଧାରିତ ଫିଲ୍ମ ସୋମବାର ଠାରୁ ଓଟିଟି ପ୍ଲାଟଫର୍ମରେ ଉପଲବ୍ଧ ହୋଇଛି। କରୋନା ଭାଇରସ୍ ଯୋଗୁ ହଲ୍ରେ ଫିଲ୍ମ ଦେଖିପାରିନଥିବା ଲୋକ ଏବେ ଘରେ ଏହାର ମଜା ନେଇପାରିବେ।
ସୂଚନାଯୋଗ୍ୟ ଯେ ଫିଲ୍ମ ୮୩କୁ ଓଟିଟିରେ ରିଲିଜ୍କୁ ନେଇ ହାଇକୋର୍ଟରେ ଏକ ପିଟିସନ୍ ଦାଖଲ କରାଯାଇଥିଲା। ଏହି ଫିଲ୍ମକୁ ଓଟିଟିରେ ରିଲିଜ୍ ନ କରିବାକୁ ପିଟିସନ୍ରେ ଦାବି କରାଯାଇଥିଲା। କିନ୍ତୁ କୋର୍ଟ ଫିଲ୍ମ ନିର୍ମାତାଙ୍କ ପକ୍ଷରେ ନିଷ୍ପତ୍ତି ଶୁଣାଇଥିଲେ ଓ ପିଟିସନ୍କୁ ଖାରଜ କରିଦେଇଥିଲେ। ଏଣୁ ଏବେ ଓଟିଟି ପ୍ଲାଟଫର୍ମରେ ୮୩ ରିଲିଜ୍ ହୋଇଛି।
