ଓଡ଼ିଶା ଫାଷ୍ଟ(ବ୍ୟୁରୋ): ଭୁବନେଶ୍ୱରରେ ୧ କିଲୋ ୩୨୦ ଗ୍ରାମ ବ୍ରାଉନ ସୁଗାର ଜବତ କରିଛି । ଭୁବନେଶ୍ୱରରେ ଥିବା ଜଟଣୀ ରାଜାବଜାର ଅଞ୍ଚଳରୁ ଏହି ବ୍ରାଉନ ସୁଗାର ଜବତ ହୋଇଛି । ଜବତ ହୋଇଥିବା ବ୍ରାଉନ ସୁଗାରର ମୂଲ୍ୟ ୧ କୋଟି ୩୨ ଲକ୍ଷ ଟଙ୍କା ହେବ ବୋଲି ଅନୁମାନ କରାଯାଇଛି ।
ବ୍ରାଉନ ସୁଗାର ସହିତ ନଗଦ ୧ଲକ୍ଷ ୬୫ ହଜାର ଟଙ୍କା ଏବଂ ଗୋଟିଏ ପଲସର ବାଇକ ଜବତ ହୋଇଛି । ବ୍ରାଉନ ସୁଗାର କାରବାର ଅଭିଯୋଗରେ ତିନି ଜଣ ଅଭିଯୁକ୍ତ ଗିରଫ ହୋଇଛନ୍ତି । ଗିରଫ ତିନିଜଣ ଅଭିଯୁକ୍ତ ଜଟଣୀ ରାଜାବଜାରରେ ଥିବା ଗଜପତିନଗରର ସେକ ସମୀର, ସୟଦ ଇମତିୟାଜ ଓ ପୁରୀ ଡେଲାଙ୍ଗ ଅଞ୍ଚଳର ହରିରାଜପୁରର ରତି ରଞ୍ଜନ ରାଉତରାୟ ବୋଲି ଜଣା ପଡ଼ିଛି ।