ଓଡ଼ିଶା ଫାଷ୍ଟ(ବ୍ୟୁରୋ): ବନ୍ଧୁକ ଦେଖାଇ ବ୍ୟବସାୟୀଙ୍କ ପୁଅଙ୍କୁ ଅପହରଣ ହୋଇଥିବା ଅଭିଯୋଗ ହୋଇଛି। ଏହି ଘଟଣାରେ ୪ ଜଣ ଅପହରଣ କାରୀ ଙ୍କୁ ଗିରଫ କଲା ସ୍ପେଶାଲ ସ୍କ୍ୱାଡ ଓ ଲକ୍ଷ୍ମୀସାଗର ଥାନା ପୋଲିସ । ଲକ୍ଷ୍ମୀସାଗର ଅଞ୍ଚଳରେ ଚା’ ଦୋକାନରେ ଠିଆ ହୋଇଥିବା ବେଳେ ୪ ଜଣ ଦୁର୍ବୃତ୍ତ ବନ୍ଧୁକ ଦେଖାଇ ବିବିଏ ଛାତ୍ରଙ୍କୁ ଅପହରଣ କରିନେଇଥିଲେ । ଏନେଇ ଥାନାରେ ଏତଲା ପରେ ସଙ୍ଗେ ସଙ୍ଗେ ସକ୍ରିୟ ହୋଇଥିଲା ସ୍ପେଶାଲ ସ୍କ୍ୱାଡ ଓ ପୋଲିସ। ୩୦ଲକ୍ଷ ଟଙ୍କା ଦେଲ ପୁଅକୁ ନେବ ବୋଲି ଦୁର୍ବୃତ୍ତ ସର୍ତ୍ତ ରଖିଥିଲା। ସ୍ପେଶାଲ ସ୍କ୍ୱାର୍ଡ ଓ ଲଷ୍ମୀସାଗର ଥାନା ପୋଲିସର ଉଦ୍ୟମରେ ୨୪ ଘଣ୍ଟାରେ ଛାତ୍ରଙ୍କୁ ଉଦ୍ଧାର କରାଯାଇଛି। ଛାତ୍ରଙ୍କୁ ଉଦ୍ଧାର କରିବା ସହ ୪ ଜଣଙ୍କୁ ଅଟକ ରଖିଛି ପୋଲିସ। ଏଥିସହ ସେମାନଙ୍କ ନିକଟରୁ କାର ଓ ମାରଣାସ୍ତ୍ର ଜବତ ହୋଇଛି ।
