ପୁରୀ ୨୬।୧୨: ଚିତ୍ତ ପଲେଇ ମୃତ୍ୟୁ ମାମଲା । ଦୁଇ ଅଭିଯୁକ୍ତ ଜଗନ୍ନାଥ ଷଡଙ୍ଗୀ ଓ ଅଶୋକ ଊପାଧ୍ୟାୟଙ୍କୁ ଦୁଇ ଦିନିଆ ରିମାଣ୍ଡରେ ନେଇ ପଚରାଉଚରା କରୁଛି କ୍ରାଇମବ୍ରାଞ୍ଚ । ଗତକାଲି ଠାରୁ ରିମାଣ୍ଡରେ ନେଇଥିବା ବେଳେ ଆଜି ଶେଷ ଦିନରେ ପଚରା ଉଚରା କରୁଛି କ୍ରାଇମବ୍ରାଞ୍ଚ ।
କ୍ରାଇମବ୍ରାଞ୍ଚ ଡିଏସପି ଶିଶିର ମିଶ୍ରଙ୍କ ନେତୃତ୍ୱରେ ୪ ଜଣିଆ କ୍ରାଇମବ୍ରଞ୍ଚ ଟିମ୍ ପଚରା ଉଚରା ଜାରି ରଖିଛନ୍ତି । ତଦନ୍ତକାରୀ ଟିମ୍ ହାତରେ ଯଥେଷ୍ଟ ପ୍ରମାଣ ଲାଗିଥିବା ବେଳେ ଏହି ମାମଲାରେ ଆହୁରି ଅନେକ ସାମିଲ ଥିବା ନେଇ ସନ୍ଦେହ କରିଛି କ୍ରାଇମବ୍ରାଞ୍ଚ । ତେବେ ଅନ୍ୟମାନଙ୍କ ସମ୍ପର୍କରେ ଅଧିକ ତଥ୍ୟ ହାସଲ ପାଇଁ ଦୁଇ ଅଭିଯୁକ୍ତଙ୍କୁ ରିମାଣ୍ଡରେ ନେଇ ଖୋଳତାଡ କରୁଛି ଟିମ୍ ।