ମୁଖ୍ୟମନ୍ତ୍ରୀ ସଡ଼କ ଯୋଜନା ଅଧିକ ୩ବର୍ଷ ବୃଦ୍ଧି କରାଯାଇଛି । ଏନେଇ ଗ୍ରାମୀଣ ବିକାଶ ବିଭାଗ ପକ୍ଷରୁ ପ୍ରକାଶ ପାଇଛି ବିଜ୍ଞପ୍ତି । ୨୦୨୧ରୁ ୨୦୨୪ ଯାଏଁ ଯୋଜନା ବୃଦ୍ଧି କରିଛନ୍ତି ଓଡିଶା ସରକାର । ଏହି ଯୋଜନା ପାଇଁ ଖର୍ଚ୍ଚ ହେବ ଅଧିକ ୨ ହଜାର କୋଟି ଟଙ୍କା । ମୁଖ୍ୟମନ୍ତ୍ରୀ ସଡକ ଯୋଜନାରେ ଅପହଞ୍ଚ ଗ୍ରାମୀଣ ରାସ୍ତାକୁ ସମ୍ପ୍ରସାରଣ କରାଯିବ । ମାଓବାଦୀ ଅଞ୍ଚଳରେ ନିର୍ମାଣ ହେବ ୩୭ ନୂଆ ସଡ଼କ ପ୍ରକଳ୍ପ ଯାହା ୪୧୭ ଦଶମିକ ୨୫ କିଲୋମିଟର ପର୍ଯ୍ୟନ୍ତ ନିର୍ମାଣ କରାଯିବ । ୨ ହଜାର ୩୪୩ ଦଶମିକ ୯୫ କିଲୋମିଟର ବିଶିଷ୍ଟ ୩୫୦ଟି ଗ୍ରାମୀଣ ରାସ୍ତାର ହେବ ଉନ୍ନତିକରଣ । ଯେଉଁ ଗ୍ରାମୀଣ ରାସ୍ତାକୁ ଅନ୍ୟ କୌଣସି ଯୋଜନାରେ ସାମିଲ କରାଯାଇ ନଥିବ, ତାହା ମୁଖ୍ୟମନ୍ତ୍ରୀ ସଡକ ଯୋଜନାରେ ଅନ୍ତର୍ଭୁକ୍ତ ହେବ । ବର୍ତ୍ତମାନ ମୁଖ୍ୟମନ୍ତ୍ରୀ ସଡକ ଯୋଜନାରେ ଚାଲିଥିବା ୭୮୪ ଦଶମିକ ୦୭ କିଲୋମିଟରର ୧୫୭ଟି ସଡକ ପ୍ରକଳ୍ପର କାମ ସରିବ ।
