ବଲିଉଡ ସୁପରଷ୍ଟାର ଶାହରୁଖ ଖାନଙ୍କ ପୁଅ ଆର୍ଯ୍ୟନ ଖାନଙ୍କୁ ବହୁ କଷ୍ଟ ପରେ ଅକ୍ଟୋବର ୨୮ ରେ ଜାମିନ ପ୍ରଦାନ କରାଯାଇଥିଲା। ଏହାର ୨ ଦିନ ପରେ ଅର୍ଥାତ୍ ଆର୍ଯ୍ୟନ ଅକ୍ଟୋବର ୩୦ ରେ ଜେଲରୁ ମୁକ୍ତ ହୋଇଥିଲେ। ୧୪ ଟି ସର୍ତ୍ତରେ ଆର୍ଯ୍ୟନ୍ ଖାନଙ୍କୁ ଜାମିନ ମିଳିଥିଲା। ଏହି ସର୍ତ୍ତଗୁଡିକ ମଧ୍ୟରୁ ଗୋଟିଏ ହେଲା ଯେ ଆର୍ଯ୍ୟନ୍ ଖାନଙ୍କୁ ପ୍ରତ୍ୟେକ ଶୁକ୍ରବାର ସକାଳ ୧୧ ଟାରୁ ୨ ଟା ମଧ୍ୟରେ ଏନସିବି କାର୍ଯ୍ୟାଳୟରେ ହାଜର ହେବାକୁ ପଡିବ। ଏହି ସର୍ତ୍ତକୁ ଗ୍ରହଣ କରି ଆର୍ଯ୍ୟନ ଆଜି ଏନସିବି କାର୍ଯ୍ୟାଳୟରେ ପହଞ୍ଚିଛନ୍ତି।
ମନ୍ନତରୁ ANCCB କାର୍ଯ୍ୟାଳୟକୁ ଯିବାବେଳେ ଆର୍ଯ୍ୟନଙ୍କର କିଛି ଫଟୋ ସାମ୍ନାକୁ ଆସିଛି। ଏକ ଧଳା ରେଞ୍ଜ ରୋଭର କାରରେ ଆର୍ଯ୍ୟନ୍ ଏନସିବି କାର୍ଯ୍ୟାଳୟକୁ ଯାଇଛନ୍ତି। ଏନସିବି କାର୍ଯ୍ୟାଳୟରେ ତାଙ୍କ ଓକିଲ ମନସିନ୍ଦେ ମଧ୍ୟ ଉପସ୍ଥିତ ରହିବେ।
ଜେଲରୁ ବାହାରିବା ପରେ ଆର୍ଯ୍ୟନ ପ୍ରଥମ ଥର ପାଇଁ ଏନସିବି କାର୍ଯ୍ୟାଳୟରେ ପହଞ୍ଚିଛନ୍ତି। ସେ ଏକ ଧଳା ଟି-ସାର୍ଟ, ହଳଦିଆ ଜ୍ୟାକେଟ୍ ଏବଂ ଜିନ୍ସରେ ନଜର ଆସିଛନ୍ତି। ସେ ମୁହଁରେ ମାସ୍କ ପିନ୍ଧିଛନ୍ତି। ଏହି ସମୟରେ ଆର୍ଯ୍ୟନ୍ ତାଙ୍କ ହାତରେ ଏକ ବହି ଧରିଛନ୍ତି।