ବିଶ୍ବରେ କରୋନା ମହାମାରୀ ଆରମ୍ଭ ଦିନରୁ ଅଧିକାଂଶ ଅନୁଷ୍ଠାନର କର୍ମଚାରୀ ଘରୁ କାମ କରିବା ଆରମ୍ଭ କରିଥିଲେ, ଏବେ ମଧ୍ୟ ୱାର୍କ୍ ଫର୍ମ ହୁମ ଚାଲିଛି। ଏବେ କେବଳ ଘରେ ରହିବା, ଘରେ ଖାଇବା, ଘରେ ଭ୍ରମଣ କରିବା, ଅଫିସ ପରେ ମଧ୍ୟ ଘରେ ରହିବା। ଏପରି ପରିସ୍ଥିତିରେ, କାର୍ଯ୍ୟ ସହିତ ଡାଏଟର ଯତ୍ନ ନେବା ଗୁରୁତ୍ୱପୂର୍ଣ୍ଣ ହୋଇ ପଡ଼ିଛି । ବର୍ତ୍ତମାନ ପରିସ୍ଥିତି ବହୁତ ବଦଳି ଯାଇଛି। ପୂର୍ବରୁ ଲୋକମାନେ ଅଫିସରୁ ଘରକୁ ଆସି ବିଶ୍ରାମ ନେଉଥିଲେ କିନ୍ତୁ ବର୍ତ୍ତମାନ ତାହା ନୁହେଁ, ସବୁକାମ ଘରେ କରିବାକୁ ପଡୁଛି । ତେବେ ଆସନ୍ତୁ ଜାଣିବା ଅଫିସ୍ ସମୟରେ କିପରି ଆପଣଙ୍କର ଖାଦ୍ୟ ଏବଂ ପାନୀୟର ଯତ୍ନ ନେଇ ନିଜ ସ୍ବାସ୍ଥ୍ୟ ଓ ଶରୀରକୁ ଫିଟ୍ ରଖି ପାରିବେ।
କେବେ ଜଳଖିଆ ମିସ୍ କରନ୍ତୁ ନାହିଁ :- କାର୍ଯ୍ୟ ଯେତେ ଗୁରୁତ୍ୱପୂର୍ଣ୍ଣ ହେଉନା କାହିଁକି, ଅଫିସ୍ ପୂର୍ବରୁ ଆପଣ ଜଳଖିଆ ଖାଇବା ଜରୁରୀ। କାରଣ ଅଫିସ୍ କର୍ଯ୍ୟ ସମୟରେ ବହୁତ କମ୍ ସମୟ ଉପଲବ୍ଧ ରହିଥାଏ କିମ୍ବା ବେଳେବେଳେ ସମୟ ଉପଲବ୍ଧ ମଧ୍ୟ ନଥାଏ। ତେଣୁ ଆପଣଙ୍କ ରୁଟିନ୍ ପରିବର୍ତ୍ତନ କରନ୍ତୁ ଏବଂ ଜଳଖିଆ ଖାଆନ୍ତୁ। ଡାକ୍ତରମାନେ ମଧ୍ୟ ସକାଳେ ଜଳଖିଆ ଖାଇବାକୁ ପରାମର୍ଶ ଦିଅନ୍ତି। ଧ୍ୟାନ ରଖିବା ଦରକାର ଯେ ଜଳଖିଆରେ ଅଧିକ ତେଲ, ଘିଅ ରହିବା ଉଚିତ୍ ନୁହେଁ। ସାଧାରଣତଃ ଆପଣ ଦଲିଆ, ଜୁସ, ଉପମା, ପୋହା ଖାଇପାର। କାରଣ ଆପଣଙ୍କୁ ଦିନସାରା କାମ କରିବାକୁ ପଡିବ।
ନିୟମିତ କ୍ଷୀର ପିଅନ୍ତୁ :- କ୍ଷୀର ଶରୀରକୁ ମଜଭୁତ କରିବାର ସବୁଠାରୁ ଗୁରୁତ୍ୱପୂର୍ଣ୍ଣ ଉପାଦାନ। କ୍ଷୀରରେ ଭରପୂର ମାତ୍ରାରେ କ୍ୟାଲସିୟମ ରହିଛି ଯାହା ଶରୀର ପାଇଁ ସବୁଠାରୁ ଗୁରୁତ୍ୱପୂର୍ଣ୍ଣ । କ୍ଷୀର ପିଇବା ଦ୍ୱାରା ହାଡ ଗୁଡିକ ମଧ୍ୟ ମଜଭୁତ ହୋଇଥାଏ। କ୍ୟାଲସିୟମର ଅଭାବ ହେତୁ ସମୟ ପୂର୍ବରୁ ମହିଳାଙ୍କ ଗଣ୍ଠିରେ ଯନ୍ତ୍ରଣା ଆରମ୍ଭ ହୁଏ। ତେଣୁ ନିୟମିତ ଏକ ଗ୍ଲାସ କ୍ଷୀର ପିଅନ୍ତୁ।
ପ୍ରଚୁର ପରିମାଣରେ ପାଣି ପିଅନ୍ତୁ :- କାମ ବ୍ୟସ୍ତତା ଭିତରେ ପାଣି ପିଇବାକୁ ଭୁଲନ୍ତୁ ନାହିଁ। ଶରୀରକୁ ହାଇଡ୍ରେଟ୍ ରଖନ୍ତୁ। ଏହା ଶରୀରରେ ସଂକ୍ରମଣର ଆଶଙ୍କା ହ୍ରାସ କରିବ। ଜ୍ୱର ହେଲେବି ଅଧିକ ପାଣି ପିଅନ୍ତୁ। ଯେତେବେଳେ ପାଣି ସରିଯାଏ, ବୋତଲକୁ ପୁନର୍ବାର ପୁରଣ କରନ୍ତୁ। ଅନେକ ସମୟରେ ଲୋକମାନେ ପାଣି ବୋତଲରୁ ପିଇବା ପରେ ଭରିବାକୁ ଭୁଲିଯାଆନ୍ତି। ଶରୀରରେ ଜଳ ଅଭାବରୁ ଅନେକ ରୋଗ ସୃଷ୍ଟି ହୁଏ।
ଖାଦ୍ୟ ଖାଆନ୍ତୁ :- କାମ ହେତୁ ଖାଦ୍ୟ ଖାଇବାର ନିୟମ ମଧ୍ୟ ବଦଳିଯାଏ। ତେଣୁ ଠିକ୍ ସମୟରେ ହାଲୁକା ଖାଦ୍ୟ ଖାଆନ୍ତୁ। କାରଣ ଆପଣଙ୍କୁ ପୁଣି କାମରେ ବସିବାକୁ ପଡିଥାଏ। ଯଦି ଆପଣ ଖାଇସାରିବାର ୧୫ ମିନିଟ ଚାଲିବା ପରେ କାମ କରନ୍ତି ତେବେ ଏହା ବହୁତ ଭଲ ହୋଇଥାଏ।
ବ୍ୟାୟାମ କରିବାକୁ ଭୁଲନ୍ତୁ ନାହିଁ:- କାର୍ଯ୍ୟ ସମୟରେ ଆମେ ଜାଣୁ ନାହିଁ ଯେ ଆମ ସହିତ କଣ ଘଟୁଛି। କିନ୍ତୁ ଏହା ପରେ ଦେଖାଯାଏ। ତେଣୁ, ବେକ, ଆଖି, ପାଦ ଏବଂ ହାତର ଛୋଟ ଛୋଟ ବ୍ୟାୟାମ କରିବା ଜାରି ରଖନ୍ତୁ। ଏହା ଆପଣଙ୍କ ଶରୀର ପାଇଁ କୌଣସି କ୍ଷତି କରିବ ନାହିଁ।
ସନ୍ଧ୍ୟ ଜଳଖିଆ ମିସ୍ କରନ୍ତୁ ନାହିଁ – ସୁସ୍ଥ ଜଳଖିଆ ଖାଆନ୍ତୁ କିମ୍ବା କାମ ସମୟରେ ଭୋକିଲା ଥିବାବେଳେ ଫଳ ଖାଆନ୍ତୁ। ଏହା ମଧ୍ୟ ଅତିରିକ୍ତ ଚର୍ବି ବୃଦ୍ଧି କରିବ ନାହିଁ ଏବଂ ବସିବା ସମୟରେ ଆମ୍ବିଳୀ ହାକୁଟି ହେବାର କୌଣସି ଅସୁବିଧା ହେବ ନାହିଁ।
ତେଣୁ ନିଜ କାମ ସହିତ ଆପଣଙ୍କ ଖାଦ୍ୟର ଯତ୍ନ ନିଅନ୍ତୁ। ଯାହାଦ୍ୱାରା ଏହି ମହାମାରୀ ସମୟରେ କୌଣସି ପ୍ରକାରର ଅସୁବିଧା ହେବ ନାହିଁ।