ଫୁଲବାଣୀ ୧୦।୧୦ : ଏସ୍ପିଙ୍କ ନିକଟରେ ମାଓବାଦୀର ଆତ୍ମସମର୍ପଣ । କନ୍ଧମାଳ ଏସ୍ପିଙ୍କ ନିକଟରେ ବିଜିଏନ୍ ଡିଭିଜନର ମାଓବାଦୀ ରାହୁଲ ମୂଷାକି (ପିଣ୍ଟୁ) ଆତ୍ମସମର୍ପଣ କରିଛି । ବହୁ ହିଂସାରେ ରାହୁଲ ସାମିଲ ଥିବା ସୂଚନା ମିଳିଛି ।
ଖବର ଅନୁଯାୟୀ, ରାହୁଲ ମୂଷାକିର ଘର ଛତ୍ତିଶଗଡ଼ ସୁକୁମା ଜ଼ିଲ୍ଲାର ଜେଗୁରୁମୁଣ୍ଡା ପଞ୍ଚାୟତ ତଳଟ ଗ୍ରାମରେ l ୨୦୧୫ ରୁ ରାହୁଲ ମାଓ ସଂଗଠନ ରେ ମିଶି କାର୍ଯ୍ୟ କରିଆସୁଥିଲା ବୋଲି କହିଛି l ତେବେ ରାଜ୍ୟ ସରକାର ଙ୍କ ବିଭିନ୍ନ ଉନୟନ୍ନ ମୂଳକ କାର୍ଯ୍ୟରେ ପ୍ରଭାବିତ ହୋଇ ମାଓ ସଂଗଠନ ଛାଡି ସମାଜ ର ମୁଖ୍ୟ ସ୍ରୋତରେ ସାମିଲ ହେବାକୁ ମନସ୍ଥ କରିଥିଲେ । ଆଜି ରାହୁଲ ଏସ୍ପିଙ୍କ ନିକଟରେ ଆତ୍ମ ସମର୍ପଣ କରିଛନ୍ତି l
ସେହିପରି ମୁଖ୍ୟମନ୍ତ୍ରୀଙ୍କ ମାଓବାଦୀଙ୍କୁ ହିଂସା ଛାଡି ଆତ୍ମସମର୍ପଣ କରି ସମାଜର ମୁଖ୍ୟ ସ୍ରୋତରେ ସାମିଲ ହେବାପାଇଁ ଅପିଲ କରିବା ପରେ ଆତ୍ମ ସମର୍ପଣ କରିଥିବା କଥା ଏସପି କହିଛନ୍ତି l ତେବେ କନ୍ଧମାଳ ପୋଲିସର ରୀତିମତ କମ୍ବିଂ ଅପରେସନ ଲାଗି ମାଓ ସଂଗଠନ ଦୁର୍ବଳ ହେବାରେ ଲାଗିଛି । ଯାହାଫଳରେ ଏବେ ମାଓବାଦୀମାନେ ଆତ୍ମସମର୍ପଣ କରୁଛନ୍ତି ।