ଓଡ଼ିଶା ଫାଷ୍ଟ(ବ୍ୟୁରୋ): ଚଳିତମାସ ୧୪ତାରିଖରୁ ପିସିସି ସଭାପତି ନିରଞ୍ଜନ ପଟ୍ଟନାୟକଙ୍କ ନେତୃତ୍ୱରେ ରାଜ୍ୟ କଂଗ୍ରେସର ଦ୍ୱିତୀୟ ପର୍ଯ୍ୟାୟ ଜନଜାଗରଣ ଯାତ୍ରା ପୁଣିଥରେ ଆରମ୍ଭ ହେବ। ପ୍ରଥମ ପର୍ଯ୍ୟାୟ ଜନଜାଗରଣ ଯାତ୍ରା ମୟୂରଭଞ୍ଜରେ ଜିଲ୍ଲାରେ ଅଧାରେ ରହି ଯାଇଥିବା ଜନଜାଗରଣ ଯାତ୍ରା ପୁଣିଥରେ ସେହି ଜିଲ୍ଲା ଓ କେନ୍ଦୁଝର ଜିଲ୍ଲାରୁ ଆରମ୍ଭ କରାଯିବ ।
ସୂଚନା ଅନୁଯାୟୀ, ଗତ ଅକ୍ଟୋବର ୪ତାରିଖରୁ ବାଲେଶ୍ୱର ରୁ କଂଗ୍ରେସର ଜନଜାଗରଣ ଯାତ୍ରା ଆରମ୍ଭ ହୋଇଥିଲା । ଏହି ଯାତ୍ରା ପାଇଁ ପ୍ରଦେଶ କଂଗ୍ରେସ ପକ୍ଷରୁ ଏକ ସ୍ୱତନ୍ତ୍ର ବସ ର ବ୍ୟବସ୍ଥା କରାଯାଇଥିଲା । ଯେଉଁଥିରେ ନେତାମାନେ ଭୁବନେଶ୍ୱରରୁ ବାଲେଶ୍ୱର ଯାତ୍ରା କରିଥିଲେ। ପିସିସି ସଭାପତି ଶ୍ରୀ ପଟ୍ଟନାୟକଙ୍କ ନେତୃତ୍ୱରେ ଦଳର ନେତାମାନେ ଜିଲ୍ଲାର ବିଭିନ୍ନ ଅଞ୍ଚଳକୁ ଯାଇ ପ୍ରଥପ୍ରାନ୍ତ ସଭା ସହ ଦଳୀୟ କର୍ମୀମାନଙ୍କୁ ଭେଟି ସଂଗଠନକୁ ସୁଦୃଢ଼ କରିବାକୁ ପଦକ୍ଷେପ ନେଇଥିଲେ । ନିର୍ବାଚନ ପୂର୍ବରୁ ଏହି ଜନଜାଗରଣ ଯାତ୍ରା ରାଜ୍ୟର ସମସ୍ତ ବ୍ଲକକୁ ଯିବ ବୋଲି ଦଳ ପକ୍ଷରୁ ସୂଚନା ଦିଆଯାଇଛି।
ସେହିପରି ଏହି ଜଣଜଗରଣ ଯାତ୍ରା ସମୟରେ କଂଗ୍ରେସ ଦଳର କାର୍ଯ୍ୟକାରୀ ସଭାପତି ଚିରଞ୍ଜୀବୀ ବିଶ୍ୱାଳ କହିଥିଲେ, କଂଗ୍ରେସ କ୍ଷମତାକୁ ଆସିଲେ ନିରଞ୍ଜନ ହିଁ ମୁଖ୍ୟମନ୍ତ୍ରୀ ହେବେ ।