ସୁସ୍ଥ ଶରୀର ପାଇଁ ଜୁସ୍ ଅତ୍ୟନ୍ତ ଲାଭଦାୟକ, ତାହା ଫଳ ହେଉ କିମ୍ବା ପନିପରିବା । ପ୍ରତ୍ୟେକ ଋତୁରେ ବିଭିନ୍ନ ପ୍ରକାରର ଫଳର ରସ ପିଇବା ସ୍ୱାସ୍ଥ୍ୟ ପାଇଁ ଲାଭଦାୟକ ହୋଇଥାଏ। କିନ୍ତୁ କିଛି ଫଳ ଅଛି ଯାହାର ରସ ସବୁବେଳେ ଆପଣଙ୍କ ସ୍ୱାସ୍ଥ୍ୟ ପାଇଁ ଲାଭଦାୟକ ହୋଇଥାଏ । ସେଥି ମଧ୍ୟରୁ ଗୋଟିଏ ଆଖୁ ରସ । ଆଖୁରେ ବିଭିନ୍ନ ପୋଷକ ତତ୍ତ୍ୱ ମିଳିଥାଏ । ଆଖୁ ଶରୀରକୁ ଥଣ୍ଡା କରିଥାଏ । କେବଳ ଏତିକି ନୁହେଁ, ଶରୀରର ରୋଗ ପ୍ରତିରୋଧକ ଶକ୍ତି ବଢାଇବାରେ ମଧ୍ୟ ଏହା ପ୍ରଭାବଶାଳୀ ହୋଇଥାଏ । ଆଖୁ ରସରେ ଫ୍ୟାଟ୍ ବହୁତ କମ୍ ରହିଥାଏ । ଆସନ୍ତୁ ଜାଣିବା ଆଖୁ ରସ ପିଇବା ଶରୀରକୁ କିପରି ଫାଇଦା ହୋଇଥାଏ ।
ଏହି ରୋଗକୁ ଦୂର କରିଥାଏ :
ଆଖୁ ରସରେ ଲେମ୍ବୁ ଏବଂ ହାଲୁକା ଲୁଣ ମିଶାଇ ପିଇବା ଦ୍ୱାରା ଶରୀରକୁ ଶକ୍ତି ମିଳିଥାଏ । ଆଖୁରେ ଫାଇବରର ପରିମାଣ ମଧ୍ୟ ବହୁତ ଅଧିକ ରହିଥାଏ, ଏହା ବ୍ୟତୀତ ତାଜା ଆଖୁ ରସ ଜଣ୍ଡିସ, ରକ୍ତହୀନତା ଏବଂ ଅମ୍ଳତା ହ୍ରାସ କରିବାରେ ସାହାଯ୍ୟ କରିଥାଏ । ଗ୍ରୀଷ୍ମ ସମୟରେ ଆଖୁ ରସ ପିଇବା ଦ୍ୱାରା ପେଟ ସମ୍ବନ୍ଧୀୟ ସମସ୍ତ ରୋଗ ଭଲ ହୋଇଥାଏ ।
ମଧୁମେହ ରୋଗୀଙ୍କ ପାଇଁ ଲାଭକାରୀ :
ଆଖୁରେ ଫାଇବରର ପରିମାଣ ବହୁତ ଅଧିକ ମିଳିଥାଏ, ଏହା ସହିତ ଆମ ଶରୀରରେ ଗ୍ଲୁକୋଜର ପରିମାଣକୁ ସନ୍ତୁଳିତ କରିଥାଏ, ଯେଉଁ କାରଣରୁ ଏହା ମଧୁମେହ ରୋଗରେ ମଧ୍ୟ ପିଆଯାଇଥାଏ, ଯେଉଁଥିରେ ରୋଗୀକୁ ଆରାମ ମିଳିଥାଏ । ଆଖୁ ରସ ଅନେକ ପ୍ରମୁଖ ରୋଗ ପାଇଁ ଲାଭଦାୟକ ହୋଇଥାଏ । ବିଶେଷକରି ଜଣ୍ଡିସ ରୋଗରେ ଆଖୁ ରସ ଫାଇଦା ହୋଇଥାଏ । ଏହି ରସ ଲିଭର ପାଇଁ ବହୁତ ଭଲ ହୋଇଥାଏ । ଏହା ଲିଭର୍ ସମ୍ବନ୍ଧୀୟ ରୋଗକୁ ଦୂର କରିଥାଏ ଏବଂ ଯକୃତକୁ ସଠିକ୍ ଭାବରେ କାମ କରିବାରେ ସାହାଯ୍ୟ କରିଥାଏ ।
ଇମ୍ୟୁନିଟି ବଢାଇଥାଏ :
ଆଖୁ ରସ ପିଇବା ଦ୍ୱାରା ଶରୀରର ଇମ୍ୟୁନିଟି ବଢିଥାଏ । ଇମ୍ୟୁନିଟି ସିଷ୍ଟମ ଷ୍ଟ୍ରଙ୍ଗ୍ ହେବା ଯୋଗୁଁ ଶରୀର ଅନେକ ପ୍ରକାରର ଭାଇରାଲ୍ ରୋଗଠାରୁ ଦୂରରେ ରହିଥାଏ ।
ରକ୍ତ ସଫା କରିଥାଏ :
ଆଖୁରେ ଅଧିକ ପରିମାଣର ସୁକ୍ରୋଜ୍ ରହିଥାଏ ଯାହାକି କୌଣସି କ୍ଷତକୁ ଭଲ କରିବାରେ ସାହାଯ୍ୟ କରିଥାଏ, ଏହା ସହିତ ଏହା ମୁହଁର ସମସ୍ତ ଦାଗ ଦୂର କରିଥାଏ ଏବଂ ଏହା ଶରୀରର ଅପରିଷ୍କାର ରକ୍ତ ସଫା କରିବାରେ ମଧ୍ୟ ସହାୟକ ହୋଇଥାଏ ।
ହାଡ ମଜବୁତ କରିଥାଏ :
କ୍ୟାଲସିୟମ୍, ମ୍ୟାଗ୍ନେସିୟମ୍, ଫସଫରସ୍, ଆଇରନ୍ ଏବଂ ପୋଟାସିୟମ୍ ପରି ପୁଷ୍ଟିକର ତତ୍ତ୍ୱ ଆଖୁ ରସରେ ମିଳିଥାଏ, ଯାହା ଶରୀରର ହାଡକୁ ମଜବୁତ କରିବାରେ ସାହାଯ୍ୟ କରିଥାଏ ।