ଓଡ଼ିଶା ଫାଷ୍ଟ(ବ୍ୟୁରୋ):ଚାଲିଥିଲା ଗଞ୍ଜେଇ କାରବାର। ସୂଚନା ପାଇ ମାଡି ବସିଲା ପୋଲିସ ଆଉ ଜବତ କଲା ୨ କ୍ଵିଣ୍ଟାଲ ୩୩ କେଜି ଗଞ୍ଜେଇ। ଆଉ ପୋଲିସ ହାବୁଡରେ ପଡିଲେ ୪ ଜଣ। ଏଥିସହ ଜବତ ହୋଇଛି ଦୁଇଟି କାର ଓ ନଗର ୧୩ ହଜାର ୧୨୦ ଟଙ୍କା। ବରଗଡ଼ ସୋହେଲା ଥାନା ଅନ୍ତର୍ଗତ ୫୩ ନମ୍ବର ଜାତୀୟ ରାଜପଥ ସୋହେଲା ବ୍ଲକ ଅଫସି ଛକ ଠାରେ ଏହି ଘଟଣା ଘଟିଛି।
ଗଞ୍ଜେଇ ଚାଲାଣ କରୁଥିବା ଖବର ପାଇ ସୋହେଲା ପୋଲିସ ଜାତୀୟ ରାଜପଥରେ ଯାଞ୍ଚ କରୁଥିଲେ। ସେତିକି ବେଳେ ୪ ଜଣ ଗଞ୍ଜେଇ ଚାଲାଣକାରୀଙ୍କୁ ଗିରଫ କରିଛି । ସୋନପୁରରୁ ଛତିଶଗଡ଼ ରାଜ୍ୟକୁ ଫେରୁଥିବା ବେଳେ ପୋଲିସ ହାତରେ ଧରା ପଡ଼ିଛନ୍ତି ଏହି ଗଞ୍ଜେଇ ବେପାରୀ। ସେମାନଙ୍କଠାରୁ ୨ କ୍ୱିଣ୍ଟାଲ ୩୩ କେଜି ଗଞ୍ଜେଇ ସହ ଚାଲାଣରେ ବ୍ୟବହୃତ ହୋଇଥିବା ଗୋଟିଏ ଇନୋଭା ଓ ଗୋଟିଏ ସୁଇଫ୍ଟ ଡିଜାୟର କାର ଜବତ ହୋଇଛି। ଏଥିସହ ନଗଦ ୧୩ ହଜାର ୧୨୦ ଟଙ୍କା ଓ ୬ ଟି ମୋବାଇଲ ପୋଲିସ ଜବତ କରିଛି।
ଅଭିଯୁକ୍ତ ମାନେ ହେଲେ ଛତିଶଗଡ଼ ରାଜ୍ୟର ହେମରାଜ ନିସାଦ, ସଞ୍ଜୟ ତ୍ରିପାଠୀ,ଅଜୟ ତ୍ରିପାଠୀ ଓ ଗୌରଭ ଖପ୍ରାଡେ । ଅଭିଯୁକ୍ତ ସମସ୍ତଙ୍କ ନାଁରେ NDPS ଧାରା ଅନୁଯା୍ୟ ମାମଲା ରୁଜୁ କରି କୋର୍ଟ ଚାଲାଣ କରାଯାଇଛି ବୋଲି ସାମ୍ବାଦିକ ସମ୍ମିଳନୀରେ ସୂଚନା ଦେଇଛନ୍ତି ବରଗଡ଼ ଏସପି ରାହୁଲ ଜୈନ ।