(ଓଡ଼ିଶାଫାଷ୍ଟ ବ୍ୟୁରୋ): ଦେଶରେ ଗୋଟିଏ ଦିନ କମିବା ପରେ ଆଜି ପୁଣି ବଢିଛି ପେଟ୍ରୋଲ ଓ ଡିଜେଲର ମୂଲ୍ୟ । ପେଟ୍ରୋଲ ଏବଂ ଡିଜେଲ ମୂଲ୍ୟ ଆଜି ୧୯ ପଇସା ବୃଦ୍ଧି ପାଇଛି । ରାଜଧାନୀ ଦିଲ୍ଲୀରେ ଏକ ଲିଟର ପେଟ୍ରୋଲର ମୂଲ୍ୟ ୯୫.୫୬ କୁ ବୃଦ୍ଧି ପାଇଛି । ଯାହାକି ଏପର୍ଯ୍ୟନ୍ତ ସର୍ବାଧିକ ଅଟେ । ଡିଜେଲ ଲିଟର ମୂଲ୍ୟ ହେଉଛି ୮୬.୪୭ । ଚଳିତବର୍ଷ ମେ ୪ ପରେ ପେଟ୍ରୋଲ ଏବଂ ଡିଜେଲ ୨୨ ଥର ମୂଲ୍ୟ ବଢିଛି । ରାଜସ୍ଥାନ, ମଧ୍ୟପ୍ରଦେଶ, ମହାରାଷ୍ଟ୍ର, ଆନ୍ଧ୍ରପ୍ରଦେଶ, ତେଲେଙ୍ଗାନା ଏବଂ ଲଦାଖ ସମେତ ୬ଟି ରାଜ୍ୟରେ ଲିଟର ପିଛା ୧୦୦ ଟଙ୍କା ପାର୍ କରିଛି । ଏହାସହ ମୁମ୍ବାଇରେ ଏକ ଲିଟର ପେଟ୍ରୋଲ ଦାମ ୧୦୧ଟଙ୍କା ହୋଇଛି ।
